Vídalínsætt
Vídalínsætt er íslensk ætt kennd við Víðidalstungu í Vestur-Húnavatnssýslu. Til hennar teljast niðjar Arngríms Jónssonar „lærða“ (1568–1648) og eiginkvenna hans tveggja, Sólveigar „kvennablóma“ Gunnarsdóttur (f. um 1570, d. 1627) og Sigríðar Bjarnadóttur (f. 1601).
- Arngrímur Jónsson er frægur fyrir rit sitt um Ísland, Crymogæa. Hann fæddist á Auðunarstöðum í Víðidal, sonur Jóns Jónssonar (f. um 1530) bónda þar og Ingibjargar Loftsdóttur (1538-1607), næstyngstur af fimm systkinum. Hann var prestur á Hólum í Hjaltadal og Miklabæ í Blönduhlíð frá 1590-1591, og á Melstað í Miðfirði frá 1591 til 1618, Mælifelli í Lýtingsstaðahreppi frá því um 1618 til 1628 og þá aftur á Melstað í Miðfirði til dauðadags. Hann var rektor á Hólum til 1595, aðstoðarmaður Guðbrands biskups Þorlákssonar frá 1595 og prófastur í Húnavatnsprófastsdæmi frá 1597.
- Sólveig „kvennablómi“ Gunnarsdóttir var dóttir Gunnars Gíslasonar (1528-1605) klausturhaldara og bónda á Víðivöllum í Blönduhlíð og Guðrúnar Magnúsdóttur (f. 1530) konu hans, yngst eða næstyngst af 7 systkinum. Hún giftist Arngrími árið 1598 og átti með honum þrjú börn.
- Sigríður „yngri“ Bjarnadóttir var dóttir Bjarna Gamalíelssonar (f. um 1550, d. 1635), rektors á Hólum, heimilisprests Guðbrands biskups og prests á Grenjaðarstað í Aðaldal og Þuríðar Guðmundsdóttur (f. um 1565), næstyngst af 16 eða 17 systkinum. Hún giftist Arngrími að Sólveigu látinni og átti með honum sex börn.
Börn Arngríms, Sólveigar og Sigríðar[breyta | breyta frumkóða]
- Solveig Arngrímsdóttir (f. um 1630)