Vestur-Ástralía

Úr Wikipediu, frjálsa alfræðiritinu
Stökkva á: flakk, leita

Vestur-Ástralía er stærsta fylki Ástralíu, það nær yfir um það bil þriðjung meginlandsins. Íbúarnir búa langflestir í suðvesturhluta fylkisins, þar sem meðal annars er höfuðborgin Perth en í henni og nágrenni hennar búa um ein og hálf milljón af tæpum tveimur milljónum íbúa fylkisins. Ástæðan fyrir þessu er sú, að megnið af því mikla landflæmi sem Vestur-Ástralía nær yfir, er gróðurlaus eyðimörk. Suðvesturhornið er hins vegar gróðursælt, sem og nokkrir afmarkaðir blettir á norðurströndinni. Fyrsta aðsetur Breta í Vestur-Ástralíu var flotastöð sem þeir byggðu árið 1826 þar sem í dag er Albany, en nýlendan varð ekki til fyrr en fanganýlendan við Svansá var stofnuð árið 1829, þar sem nú eru Perth og Freemantle. Helstu atvinnuvegir fylkisins eru, eins og víðar í Ástralíu, námugröftur og landbúnaður, en þar að auki er að finna í Vestur-Ástralíu jarðgas sem er mikilvæg útflutningsvara.


Áströlsk fylki, svæði og höfuðborgir: Fáni Ástralíu
Höfuðborgarsvæði Ástralíu Nýja Suður Wales Norður-svæðið Queensland Suður-Ástralía Tasmanía Victoria Vestur-Ástralía
Canberra Sydney Darwin Brisbane Adelaide Hobart Melbourne Perth
Norfolkeyja | Jólaeyja | Kókoseyjar | Kóralhafseyjasvæðið | Heard- og McDonaldeyjar | Ástralska suðurskautssvæðið
  Þessi landafræðigrein er stubbur. Þú getur hjálpað til með því að bæta við greinina.