Fara í innihald

UMFÍ

Bæta við tenglum
Úr Wikipediu, frjálsa alfræðiritinu
(Endurbeint frá Ungmennafélag Íslands)
Fáni Ungmennafélags Íslands - Landssambands ungmennafélaga.

Ungmennafélag Íslands er landssamband ungmennafélaga. Heiti þess er skammstafað UMFÍ. UMFÍ var stofnað 2.- 4. ágúst árið 1907. Fyrsta ungmennafélagið, Umf. Akureyrar, var stofnað á Akureyri í ársbyrjun 1906. Sambandsaðilar UMFÍ eru nú 26 talsins, sem skiptast í 21 íþróttahérað og fimm ungmennafélög með beina aðild. . Alls eru um 450 félög innan UMFÍ með rúmlega 270.000 félagsmenn.

Formaður UMFÍ er Jóhann Steinar Ingimundarson. Framkvæmdastjóri er Auður Inga Þorsteinsdóttir.

Markmið hreyfingarinnar er „Ræktun lýðs og lands“. Fáni UMFÍ er Hvítbláinn.

UMFÍ er þjónustu- og samræmingaraðili fyrir sambandsaðila og aðildarfélög. UMFÍ leggur áherslu á fagleg vinnubrögð, jákvæð samskipti og samstarf með sameinaða krafta að leiðarljósi.Ungmennafélag Íslands stendur á hverju ári fyrir ýmsum viðburðum fyrir fólk á öllum aldri. Nálgun UMFÍ er tvíþætt. Annars vegar styrkir UMFÍ sambandsaðila og aðildarfélög og veitir ráðgjöf. Hins vegar stendur UMFÍ fyrir eigin viðburðum og verkefnum í samræmi við stefnu UMFÍ. Stærsta verkefni UMFÍ er rekstur Ungmennabúða á Laugarvatni. UMFÍ hefur rekið ungmennabúðir frá árinu 2005 fyrir nemendur í 9. bekk úr öllum grunnskólum landsins. UMFÍ heldur á hverju ári Landsmót UMFÍ 50+ og Unglingalandsmót UMFÍ, sem haldið er um verslunarmannahelgi, ráðstefnuna Ungt fólk og lýðræði með ungmennaráði UMFÍ. Landsmót UMFÍ hafa verið haldin í meira en hundrað ár. Þau voru að jafnaði haldin þriðja til fjórða hvert ár, þó með nokkrum undantekningum. Síðasta eiginlega landsmótið sem haldið var með gamla laginu var haldið á Selfossi árið 2013.

UMFÍ gefur út tímaritið Skinfaxa auk Göngubókar UMFÍ.

Verkefni UMFÍ

[breyta | breyta frumkóða]

Unglingalandsmót UMFÍ

[breyta | breyta frumkóða]

Unglingalandsmót UMFÍ eru vímulaus íþrótta- og fjölskylduhátíð sem haldin er árlega og ætíð um verslunarmannahelgina. Mótin eru haldin á mismunandi stöðum en í ár fer mótið fram á Egilsstöðum. Unglingalandsmótið er opið öllum á aldrinum 11 - 18 ára.  Allir geta tekið þátt, óháð hvort viðkomandi sé í einhverju íþróttafélagi eða ekki.

Keppt í skák á Unglingalandsmóti UMFÍ í Borgarnesi 2016.


Unglingalandsmót UMFÍ hafa verið haldin á eftirtöldum stöðum:

  1. Unglingalandsmót UMFÍ á Dalvík 10.-12. júní 1992
  2. Unglingalandsmót UMFÍ á Blönduósi 14.-16. júlí 1995
  3. Unglingalandsmót UMFÍ í Grafarvogi 3.-5. júlí 1998
  4. Unglingalandsmót UMFÍ í Vesturbyggð og á Tálknafirði 4.-6. ágúst 2000
  5. Unglingalandsmót UMFÍ í Stykkishólmi 2.-4. ágúst 2002
  6. Unglingalandsmót UMFÍ á Ísafirði 1.-3. ágúst 2003
  7. Unglingalandsmót UMFÍ á Sauðárkróki 30. júlí - 1. ágúst 2004
  8. Unglingalandsmót UMFÍ í Vík 29.-31.júlí 2005
  9. Unglingalandsmót UMFÍ á Laugum í Suður-Þingeyjarsýslu 4.-6. ágúst 2006
  10. Unglingalandsmót UMFÍ á Höfn í Hornafirði 3.-5. ágúst 2007
  11. Unglingalandsmót UMFÍ Í Þorlákshöfn 1.-3. ágúst 2008
  12. Unglingalandsmót UMFÍ á Sauðárkróki 2009
  13. Unglingalandsmót UMFÍ í Borgarnesi 2010
  14. Unglingalandsmót UMFÍ á Egilsstöðum 2011
  15. Unglingalandsmót UMFÍ á Selfossi 2012
  16. Unglingalandsmót UMFÍ á Höfn í Hornafirði 2013
  17. Unglingalandsmót UMFÍ á Sauðárkróki 2014
  18. Unglingalandsmót UMFÍ á Akureyri 2015
  19. Unglingalandsmót UMFÍ í Borgarnesi 2016
  20. Unglingalandsmót UMFÍ á Egilsstöðum 2017
  21. Unglingalandsmót UMFÍ í Þorlákshöfn 2018
  22. Unglingalandsmót UMFÍ í Höfn á Hornafirði 2019
  23. Unglingalandsmót UMFÍ á Selfossi 2020-2022. COVID-faraldurinn olli því að mótinu var frestað í tvö ár. Það var loksins haldið um verslunarmannahelgina 2022.
  24. Unglingalandsmót UMFÍ verður á Sauðárkróki verslunarmannahelgina 2023.

Landsmót UMFÍ 50+

[breyta | breyta frumkóða]
Keppendur í pönnukökubakstri á Landsmóti UMFÍ 50+ á Ísafirði 2016.

Landsmót UMFÍ 50+ er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman.  Mótið er öllum opið sem verða 50 ára á árinu og eldri. Landsmót UMFÍ 50+ var fyrst haldið árið 2011 á Hvammstanga. Það hefur verið haldið á hverju ári síðan þá.

Landsmót UMFÍ 50+ hafa verið haldin á eftirtöldum stöðum:

  1. Landsmót UMFÍ 50+ á Hvammstanga 2011
  2. Landsmót UMFÍ 50+ í Mosfellsbæ 2012
  3. Landsmót UMFÍ 50+Vík í Mýrdal 2013
  4. Landsmót UMFÍ 50+ á Húsavík 2014
  5. Landsmót UMFÍ 50+ á Blönduósi 2015
  6. Landsmót UMFÍ 50+ á Ísafirði 2016
  7. Landsmót UMFÍ 50+ í Hveragerði 2017
  8. Landsmót UMFÍ 50+ á Sauðárkróki 2018
  9. Landsmót UMFÍ 50+ í Neskaupstað 2019
  10. Mótinu frestað árin 2020 og 2021 vegna COVID-faraldursins. Það var haldið í Borgarnesi um Jónsmessuna 2022
  11. Landsmót UMFÍ 50+ í Stykkishólmi 2023

Ungt fólk og lýðræði

[breyta | breyta frumkóða]
Geðheilbrigðismál ungs fólks voru aðalefni ráðstefnunnar Ungt fólk og lýðræði árið 2016.

Ungmennaráðstefnan Ungt fólk og lýðræði leggur áherslu á að efla lýðræðislega þátttöku ungs fólks í leik og starfi. Þar er lögð áhersla á að einstaklingar geti styrkt sjálfsmynd sína og tekið upplýstar ákvarðandir um eigið líf og lífsstíl. Ráðstefnan hefur verið haldin árlega frá árinu 2009 og hefur því fest sig í sessi á meðal mikilvægustu viðburða fyrir ungt fólk á Íslandi.

2009 - Ungt fólk og lýðræði - Akureyri. 

2010 - Lýðræði og mannréttindi - Dalabyggð. 

2011 - Ungt fólk og fjölmiðlar - Hveragerði. 

2012 - Fjölmiðlar og mannréttindi - Hvolsvöllur. 

2013 - Þátttaka ungs fólks í skipulagsmálum sveitarfélaga - Egilsstaðir. 

2014 - Stjórnsýslan og við - áhrif ungs fólks á stjórnsýsluna - Ísafjörður.

2015 - Margur verður af aurum api - réttindi og skyldur ungs fólks á vinnumarkaði - Stykkishólmur. 

2016 - Niður með grímuna - geðheilbrigði ungmenna á Íslandi – Selfoss.

2017- Ekki bara framtíðin - Ungt fólk leiðtogar nútímans. Miðfjörður.

2018 - Okkar skoðun skiptir máli - Grímsnes- og Grafningshreppur.

2019 - Betri ég! Hvernig get ég verið besta útgáfan að sjálfum mér? - Borgarnes

2020 - Lýðræðisleg áhrif. Hvar, hvenær og hvernig getur ungt fólk haft áhrif? Reykjavík.

2021 - Frestað vegna COVID-faraldursins.

2022 - Ungt fólk og lýðræði: Láttu drauminn rætast! - 9. - 11. september í Héraðsskólanum á Laugarvatni.

Hreyfivika UMFÍ

[breyta | breyta frumkóða]
Börn við setningu Hreyfiviku UMFÍ.

Ungmennafélag Íslands (UMFÍ) hefur tekið þátt í evrópskri lýðheilsuherferð undir nafninu Now We Move. Hér á landi kallast herferðin Hreyfivika UMFÍ. Markmið verkefnisins er að að fá hundrað milljónir fleiri Evrópubúa til að hreyfa sig reglulega fyrir árið 2020. Rannsóknir sýna að einungis þriðjungur íbúa í Evrópu hreyfir sig reglulega. UMFÍ tekur verkefnið sem langhlaup og hvetur alla til að finna sína uppáhaldshreyfingu og stunda hana reglu - lega eða að minnsta kosti í 30 mínútur daglega.

Sambandsaðilar UMFÍ

[breyta | breyta frumkóða]

HSB - Héraðssamband Bolungarvíkur

HSH - Héraðssamband Snæfellsness og Hnappadalssýslu

HSS - Héraðssamband Strandamanna

HSV - Héraðssamband Vestfirðinga

HSÞ - Héraðssamband Þingeyinga

HHF - Héraðssambandið Hrafnaflóki

HSK - Héraðssambandið Skarphéðinn

ÍA - Íþróttabandalag Akraness

ÍBA - Íþróttabandalag Akureyrar

ÍBH - Íþróttabandalag Hafnarfjarðar

ÍBR - Íþróttabandalag Reykjavíkur

UÍA - Ungmenna- og íþróttasamband Austurlands

UÍF - Ungmenna- og íþróttasamband Fjallabyggðar

USAH - Ungmennasamband Austur-Húnvetninga

UMSB - Ungmennasamband Borgarfjarðar

UDN - Ungmennasamband Dalamanna og N-Breiðfirðinga

UMSE - Ungmennasamband Eyjafjarðar

UMSK - Ungmennasamband Kjalarnesþings

UMSS - Ungmennasamband Skagafjarðar

USVH - Ungmennasamband Vestur Húnvetninga

USVS - Ungmennasamband Vestur Skaftafellssýslu

USÚ - Ungmennasambandið Úlfljótur

Félög með beina aðild

Keflavík, íþrótta- og ungmennafélag

UMFG - Ungmennafélag Grindavíkur

UMFN - Ungmennafélag Njarðvíkur

UMFÞ - Ungmennafélagið Þróttur

V - Ungmennafélagið Vesturhlíð

Tenglar

[breyta | breyta frumkóða]
  Þessi grein er stubbur. Þú getur hjálpað til með því að bæta við greinina.
Sótt frá „https://is.wikipedia.org/w/index.php?title=UMFÍ&oldid=1860088“