„Teardrops on My Guitar“ Gefin út: 20. febrúar 2007
„Our Song“ Gefin út: 4. september 2007
„Picture to Burn“ Gefin út: 3. febrúar 2008
„Should've Said No“ Gefin út: 19. maí 2008
Taylor Swift er frumraunarplata bandarísku söngkonunnar Taylor Swift. Hún var gefin út 24. október 2006 af Big Machine Records í Bandaríkjunum og Kanada, og 18. mars 2008 alþjóðlega. Swift hafði skrifað undir hjá Sony/ATV Tree útgáfunni árið 2004 þegar hún var fjórtán ára til að sækjast eftir ferli í kántrítónlist. Samningurinn hennar við Big Machine Records gerði henni kleift að vinna í plötunni á meðan hún gekk í skóla.
Lögin á plötunni fjalla um lífið hennar sem unglingur, ástarsambönd, vináttu, og óöryggi. Platan var framleidd af Robert Ellis Orral og Nathan Chapman. Taylor Swift er kántríplata með popp og popp rokk eiginleikum. Á henni má heyra órafmögnuð hljóðfæri, líkt og gítara, banjó og fiðlur.
Fimm smáskífur voru gefnar út af Taylor Swift, þar með talið „Our Song“ og „Should've Said No“ sem komust efst á Hot Country Songs vindsældalistann, og lagið „Teardrops on My Guitar“ sem komst í topp 15 á Billboard Hot 100. Swift auglýsti plötuna í gegnum Myspace sem þótti óvenjulegt á þeim tíma fyrir kántrítónlistarmann. Hún hóf sex mánaða tónlistarferðalag árið 2006 og hitaði upp á tónleikum fyrir aðra sveitasöngvara á árunum 2006 og 2007. Taylor Swift var tilnefnd sem plata ársins (Album of the Year) á Academy of Country Music-verðlaununum árið 2008.
