Speak Now (Taylor's Version) er þriðja endurupptaka bandarísku söngkonunnar Taylor Swift. Platan var gefin út 7. júlí 2023 af Republic Records. Hún er endurútgáfa af þriðju breiðskífu Swift, Speak Now (2010), og er hluti af markmiði hennar í að eignast réttindin á allri tónlistinni sinni aftur. Hún tilkynnti plötuna 5. maí 2023 á fyrstu sýningu tónleikaferðalagsins Eras Tour í Nashville.
Swift samdi öll 22 lögin sjálf á Speak Now (Taylor's Version). Platan inniheldur 16 lög af deluxe útgáfu Speak Now. Swift og Christopher Rowe sátu í upptökustjórn plötunnar. Sex laganna höfðu ekki verið gefin út áður, titluð „From the Vault“, og voru framleidd af Swift, Aaron Dessner, og Jack Antonoff. Hljómsveitin Fall Out Boy og söngkonan Hayley Williams koma fram á tveim „vault“ lögum. Speak Now (Taylor's Version) er rokkplata sem dregur eiginleika úr kántrí poppi og popp rokki. Á henni má heyra bæði rafmögnuð og órafmögnuð hljóðfæri, og er platan flokkuð sem þemaplata.
Speak Now (Taylor's Version) komst á topp vinsældalista í Ástralíu, Belgíu, Hollandi, Írlandi, Kanada, Nýja-Sjálandi, Spáni, Svíþjóð, og Bretlandi. Platan var tólfta breiðskífa Swift til að ná fyrsta sæti á Billboard 200 listanum, og sló þar með met Barbra Streisand yfir fjölda platna í fyrsta sæti eftir söngkonu. Öll lögin komust einnig á Billboard Hot 100 listann, þar sem lagið „I Can See You“ náði hæst í fimmta sæti.
.png)
