1989 er fimmta breiðskífa bandarísku söngkonunnar Taylor Swift. Platan var gefin út 27. október 2014 af Big Machine Records. Swift samdi plötuna til að aðlaga tónlistarstílnum sínum að popptónlist og dró innblástur úr hljóðgervlapoppi 9. áratugarins. Hún nefndi 1989 eftir fæðingarárinu sínu og fékk Max Martin með sér í upptökustjórn.
Swift tók upp plötuna á mörgum stöðum í Bandaríkjunum með upptökustjórum líkt og Martin, Shellback, Jack Antonoff, Ryan Tedder, Nathan Chapman, og Imogen Heap. Framleiðsla plötunnar einkennist mikið af eiginleikum raftónlistar sem telst vera andstæða við fyrri plötur Swift. Lögin fjalla um líf hennar og fyrri ástarsambönd frá léttlyndu sjónarhorni.
Fyrir auglýsingu plötunnar hóf Swift tónleikaferðalagið 1989 World Tour árið 2015. Meðal þeirra sjö smáskífna sem voru gefnar út, komust þrjár á topp Billboard Hot 100; „Shake It Off“, „Blank Space“, og „Bad Blood“. 1989 dvaldi 11 vikur á toppi Billboard 200 og var viðurkennd sem níföld platínuplata af Recording Industry Association of America (RIAA). Hún hefur selst í yfir 10 milljónum eintaka á heimsvísu og var viðurkennd sem fjölplatína í mörgum löndum.
1989 vann flokkana plata ársins (Album of the Year) og besta söng-popp platan (Best Pop Vocal Album) á Grammy-verðlaununum árið 2016. Hún hefur verið nefnd á listum yfir bestu plötur allra tíma hjá tímaritum líkt og Rolling Stone. Í kjölfar deilna um eignarrétt tónlistar Swift, gaf hún út endurútgáfu af plötunni, 1989 (Taylor's Version), þann 27. október 2023.
