Skátasamband Reykjavíkur
| Skátasamband Reykjavíkur | |
|---|---|
 | |
| Skammstöfun | SSR |
| Stofnun | 1963 |
| Höfuðstöðvar | Hraunbær 123 |
| Forstöðumaður | Helgi Þór Guðmundsson |
| Móðurfélag | Bandalag íslenskra skáta |
| Vefsíða | https://ssr.is/ |
Skátasamband Reykjavíkur eru frjáls félagasamtök reykvískra skátafélaga en sambandið var stofnað árið 1963. Skátasamband Reykjavíkur heyrir undir Bandalag íslenskra skáta.
Starfsemi
[breyta | breyta frumkóða]Meginþættir í starfsemi sambandsins er að vera tengiliður skátafélaganna við Reykjavíkurborg, vera samstarfsvettvangur skátafélaganna í Reykjavík, veita félögunum ráðgjöf og stuðning, standa fyrir fjáröflun fyrir skátastarf í Reykjavík og aðstoða skátafélög í Reykjavík við að bjóða upp á æskulýðsstarf í háum gæðaflokki.[1]
Verkefni skátasambandsins
[breyta | breyta frumkóða]- Vera samnefnari félaganna gagnvart borgarstjórn Reykjavíkur og öðrum aðilum.
- Vera í forsvari félaganna í sameiginlegum málum þeirra gagnvart stjórn Bandalags íslenskra skáta.
- Sjá um sameiginleg skátamálefni, húsnæðismál, fjármál og fylgjast með fjárreiðum félaganna.
- Styrkja og efla skátastarf í Reykjavík og koma þeim félögum, sem illa eru á vegi stödd, til hjálpar.
- Skipta borgarlandinu í starfssvæði milli skátafélaga og annarra starfseininga skáta í Reykjavík.
- Stofna ný skátafélög í samvinnu við stjórn Bandalags íslenskra skáta.[2]
Saga sambandsins
[breyta | breyta frumkóða]Skátasamband Reykjavíkur var stofnað árið 1963 og varð til við samruna Skátafélags Reykjavíkur og Kvenskátafélags Reykjavíkur. Skátafélögin tvö höfðu þar til rekið kynskipt skátastarf frá einum höfuðstöðvum, en þó með hverfaskiptri starfsemi. Markmiðið var að færa starfið út í hverfin og sporna við því að börn og unglingar þyrftu að sækja skátafundi um langan veg. Skátasambandið hefur frá upphafi gegnt hlutverki málsvara skátafélaga Reykjavíkur gagnvart borgaryfirvöldum og stutt félögin í húsnæðismálum og almennum rekstri.[3]
Aðildarfélög
[breyta | breyta frumkóða]Í Skátasambandi Reykjavíkur starfa í dag:
- Skátafélagið Árbúar
- Skátafélagið Garðbúar
- Skátafélagið Hafernir
- Skátafélagið Landnemar
- Skátafélagið Segull
- Skátafélagið Skjöldungar
- Skátafélagið Vogabúar
- Skátafélagið Ægisbúar
Heimildir
[breyta | breyta frumkóða]- ↑ Skátasamband Reykjavíkur (júní 2019). „Náum áttum - stefna SSR til 2024“ (PDF). bls. 3.
- ↑ „Skátasamband Reykjavíkur – Skátasambandið“. ssr.is. Sótt 27. október 2020.
- ↑ „Skátaforinginn - 2. tölublað (01.12.1988) - Tímarit.is“. timarit.is. Sótt 27. október 2020.