Pernambuco

Pernambuco

Staðsetning innan Brasilíu

Fylkisfáni	Skjaldamerki
Flag of Pernambuco	Coat of Arms of Pernambuco
Grundvallarupplýsingar
stærð:	98.311,6 km²
íbúafjöldi:	9.539.000 (2024)
íbúar á hvern ferkílómetra:	89/km²
Stjórnmál
Borgarstjóri:	Eduardo Campos (PSB)
næst kosið:	2011
Vefsíða:	Vefur

Pernambuco er eitt 27 fylkja Brasilíu. Það er staðsett í Norðaustur-Brasilíu og á landamæri að Paraíba og Ceará í norðri, Atlantshafi í austri, Alagoas og Bahia í suðri og Piauí í vestri. Það er 98.311 km² að flatarmáli (aðeins smærra en Ísland). Fernando de Noronha eyjaklasinn er einnig hluti landsvæðis fylkisins. Recife er höfuðborgin.

Óljóst er hvaðan nafn fylkisins kemur. Sumir fræðimenn fullyrða að það sé orð sem innfæddir notuðu fyrir brasilíuvið (l. Caesalpinia echinata). Ein kenning er að það stafi af forntupíi Paranã-Puca, sem þýðir þar sem hafið brýtur.

Stærstu borgirnar eru Recife, Jaboatão dos Guararapes, Olinda, Paulista, Caruaru, Petrolina, Cabo de Santo Agostinho, Garanhuns og Vitória do Santo Antão.

Saga

Saga Pernambuco byrjar með leiðangri Gaspar Lemos, árið 1501, sem talið er að hafi orðið til þess að verslunarstöðvar byggðust meðfram strönd portúgölsku nýlendunnar, sennilega í Igarassu, þangað sem Cristóvão Jacques var sendur nokkrum árum seinna. Árið 1532, var Pernambuco (eða Nova Lusitânia) héraðið stofnað og gefið Duarte Coelho, sem stofnaði Igarassu og Olinda en byrjaði sykurreyrræktun. Árið 1630 réðust Hollendingar inn í Pernambuco. Maurits van Nassau var landstjóri hollenska Pernambuco frá 1637 til og með 1644.

Maurits van Nassau hjálpaði að þróa borgina, með mörgum grunnverkefnum. Á þeim tíma var Recife álitin efnaðasta og þróaðasta borgin í Ameríku og þar var stærsta gyðingasamfélagið á meginlandinu. Fólk frá Pernambuco gerði að lokum uppreisn gegn stjórninni, þegar WIC (Westindische Compangnie, eða Vestur-Indía félagið) leysti Maurits van Nassau frá störfum. Árið 1654 voru Hollendingar að lokum reknir úr landi. Þá er brasilíski landherinn talinn að hafa orðið til.

Eftir að Hollendingarnir voru reknir úr landi byrjaði fylkið að hrörna, vegna flutnings efnahagskjarnans til suðausturs. Hollenski sykurinn sem framleiddur í Antillaeyjum var betri en sá frá Pernambuco, og sem leiddi til efnahagslegrar hnignunar.

Landafræði

Pernambuco er eitt minnsta fylki landsins. Landslag er þó fjölbreytt, eins og fjallgarða, hálendi, mýrar og strandir.

Ferðalög

Fjara Pernambuco fylkisins er um það bil 187 km löng, með ströndum, brimhömrum og þéttbýlissvæðum. Auk strandanna er þar Fernando de Noronha-eyjaklasinn. Þekktustu strendur fylkisins eru í suðri, t.d. Boa Viagem, Candeias, Gaibu, Muro Alto, Porto de Galinhas e Serrambi. Í norðri eru þekktasti sögustaður landshlutans, í Olinda-borg. Hún er fræg fyrir kjötkveðjuhátíð. Helstu strendur norðursins eru Maria Farinha, Carne de Vaca, Itamaracá og Rio Doce.

Punktar

að 23 gyðingar reknir frá Recife árið 1654 hjálpuðu við að stofna Manhattan?
að fyrsta samkunduhúsið í Ameríku var byggt í Recife?
að elsta brú í Rómönsku Ameríku var byggð af Hollendingum árið 1643 í Recife?
að elsta kaþólska kirkja Brasilíu, byggð árið 1535, er stödd í Igarassu?
að Brasilía var "fundin" árið 1498 af spænska Vincente Yáñez Pinzón, í Cabo de Santo Agostinho?
að Diário de Pernambuco er elsta dagblað í Rómönsku Ameríku, gefið út frá 7. nóvember 1825?

Myndasafn

Tenglar

Stjórnin Pernambuco Geymt 18 desember 2008 í Wayback Machine, opinber heimasíða stjórnarinnar Pernambuco
Ráðhús Recife, opinber heimasíða ráðhússins Recife
Ráðhús Olinda, opinber heimasíða ráðhússins Olinda