Mikheil Saakashvili

Úr Wikipediu, frjálsa alfræðiritinu
(Endurbeint frá Mikhaíl Saakasvili)
Mikheil Saakashvili
მიხეილ სააკაშვილი
Forseti Georgíu
Í embætti
20. janúar 2004 – 25. nóvember 2007
Í embætti
20. janúar 2008 – 17. nóvember 2013
Persónulegar upplýsingar
Fæddur21. desember 1967 (1967-12-21) (56 ára)
Tíblisi, georgíska sovétlýðveldinu, Sovétríkjunum (nú Georgíu)
ÞjóðerniGeorgískur og úkraínskur
StjórnmálaflokkurSameinaða þjóðarhreyfingin (2001–)
MakiSandra Roelofs ​(g. 1994)
Börn2
HáskóliÞjóðarháskólinn í Kænugarði
Columbia-háskóli
George Washington-háskóli
Alþjóðamannréttindastofnunin
Undirskrift

Mikheil Saakashvili (f. 21. desember, 1967) er georgískur og úkraínskur stjórnmálamaður sem var forseti Georgíu á árunum 2004-2007 og 2008-2013.

Saakashvili var einn af leiðtogum rósabyltingarinnar, friðsamlegrar mótmælahreyfingar sem leiddi til þess að forsetinn Eduard Sjevardnadse hrökklaðist frá völdum í lok 2003.[1] Saakashvili var í kjölfarið kjörinn forseti Georgíu. Á stjórnartíð Saakashvili árið 2008 háði Georgía stutt stríð gegn Rússlandi sem leiddi til þess að Georgíumenn glötuðu öllum yfirráðum í Abkasíu og Suður-Ossetíu.

Saakashvili yfirgaf Georgíu eftir að hann lét af forsetaembætti árið 2013. Stuttu eftir að hann fór frá landinu var hann sakfelldur fyrir spillingu en hann hefur ætíð neitað sök og hefur haldið því fram að dómurinn sé hluti af pólitískum ofsóknum gegn sér. Árið 2015 afsalaði Saakashvili sér georgískum ríkisborgararétti þegar hann tók til skamms tíma við embætti sveitarstjóra í Odesa í Úkraínu.[2]

Í október 2021 sneri Saakashvili aftur til Georgíu til þess að styðja stjórnarandstöðuna gegn ríkisstjórn Georgíska draumsins en var umsvifalaust handtekinn.[2]

Tilvísanir[breyta | breyta frumkóða]

  1. Jenik Radon og David Onoprishvili (3. janúar 2004). „Georgíu bjargað“. Morgunblaðið. bls. 32-33.
  2. 2,0 2,1 Þorgrímur Kári Snævarr (1. október 2021). „Fyrrum forseti Georgíu handtekinn“. Fréttablaðið. Sótt 10. október 2021.
  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.