Leo Varadkar
| Leo Varadkar | |
|---|---|
.jpg) Leo Varadkar árið 2020. | |
| Forsætisráðherra Írlands | |
| Í embætti 17. desember 2022 – 9. apríl 2024 | |
| Forseti | Michael D. Higgins |
| Forveri | Micheál Martin |
| Eftirmaður | Simon Harris |
| Í embætti 14. júní 2017 – 27. júní 2020 | |
| Forseti | Michael D. Higgins |
| Forveri | Enda Kenny |
| Eftirmaður | Micheál Martin |
| Persónulegar upplýsingar | |
| Fæddur | 18. janúar 1979 Dyflinni, Írlandi |
| Þjóðerni | Írskur |
| Stjórnmálaflokkur | Fine Gael |
| Maki | Matthew Barrett |
| Trúarbrögð | Kaþólskur |
| Háskóli | Trinity-háskólinn í Dyflinni |
| Vefsíða | leovaradkar.ie |
Leo Varadkar (fæddur 18. janúar 1979 í Dublin) er írskur stjórnmálamaður, fyrrverandi leiðtogi flokksins Fine Gael og fyrrverandi forsætisráðherra (Á írsku: Taoiseach) Írlands. Hann hefur verið þingmaður frá 2007 og gegnt forystuembætti í ráðuneyti samgangna, ferðamennsku og íþrótta (2011-2014), í heilbrigðisráðuneyti (2014-2016) og í félagsmálaráðuneyti (2016-2017).
Varadkar er sonur Ashoks indversks læknis og Miriam, írsks hjúkrunarfræðings. Faðir hans fæddist í Mumbai og flutti til Írlands á 7. áratugnum. Fjölskyldan bjó um skeið í Leicester á Englandi og á Indlandi. Leo Varadkar lærði læknisfræði í Trinity College í Dublin en fór síðar út í stjórnmálastarf og var kosinn í neðri deild írska þingsins, Dáil Éireann, árið 2007. Hann kom fyrst opinberlega út sem samkynhneigður árið 2015 og var fyrsti ráðherrann á Írlandi til þess. Varadkar varð einnig fyrsti samkynhneigði forsætisráðherra landsins og tók við embætti sumarið 2017. Maki hans er einnig læknir.
Varadkar sagði af sér forsætisráðherraembættinu eftir kosningar í byrjun árs 2020 þegar írska þingið gat ekki komið sér saman um forsætisráðherra en leiddi starfsstjórn þar til búið var að mynda nýja stjórn.[1] Eftir um fjögurra mánaða stjórnarkreppu féllust flokkarnir Fine Gael, Fianna Fáil og Græni flokkurinn á að mynda stjórn með Micheál Martin, formann Fianna Fáil, sem forsætisráðherra. Samkvæmt stjórnarsáttmálanum varð Varadkar þó aftur forsætisráðherra á seinni helmingi kjörtímabilsins, frá desember 2022.[2]
Varadkar tilkynnti þann 20. mars 2024 að hann hygðist segja af sér sem leiðtogi Fine Gael og hætta sem forsætisráðherra strax og búið væri að kjósa nýjan flokksleiðtoga.[3] Simon Harris var kjörinn nýr leiðtogi flokksins þann 24. mars.[4]
Heimild
[breyta | breyta frumkóða]
Fyrirmynd greinarinnar var „Leo Varadkar“ á ensku útgáfu Wikipedia. Sótt 3. júní 2017.
Tilvísanir
[breyta | breyta frumkóða]- ↑ Atli Ísleifsson (21. febrúar 2020). „Forsætisráðherra Írlands segir af sér“. Vísir. Sótt 21. febrúar 2020.
- ↑ Atli Ísleifsson (15. júní 2020). „Martin verður næsti forsætisráðherra Írlands“. Vísir. Sótt 15. júní 2020.
- ↑ Atli Ísleifsson (20. mars 2024). „Varadkar hættir sem forsætisráðherra“. Vísir. Sótt 21. mars 2024.
- ↑ Rafn Ágúst Ragnarsson (24. mars 2024). „Simon Harris nýr leiðtogi Fine Gael“. Vísir. Sótt 24. mars 2024.
| Fyrirrennari: Enda Kenny |
|
Eftirmaður: Micheál Martin | |||
| Fyrirrennari: Micheál Martin |
|
Eftirmaður: Simon Harris | |||