Landspítali

Úr Wikipediu, frjálsa alfræðiritinu
Jump to navigation Jump to search
Merki Landspítala
Landsspítalinn árið 1935. Gamli kennaraskólinn til vinstri. Í forgrunni eru lestarteinar sem lágu frá Öskjuhlíð að höfninni.

Landspítali er stærsta sjúkrahús á Íslandi og háskólasjúkrahús. Það varð til árið 2000 við samruna Landspítalans (Ríkisspítala), sem tók til starfa 20. desember 1930, og Sjúkrahúss Reykjavíkur (Borgarspítalans). Reglugerð um samrunann var gefin út 3. mars 2000. Stofnfundur spítalans var í Borgarleikhúsinu 16. maí 2000. Hinn nýi spítali nefndist Landspítali - háskólasjúkrahús (skammstafað LSH) til 1. september 2007, þegar nafninu var breytt í Landspítali, en skammstöfunin hélt sér.[1]

Svið[breyta | breyta frumkóða]

Skipuriti Landspítala var breytt frá 1. október 2019. Á Landspítala eru nú þrjú svið; meðferðarsvið, aðgerðasvið og þjónustusvið. Einnig skrifstofa Landspítala en undir henni eru skrifstofa forstjóra, skrifstofa framkvæmdastjóra hjúkrunar og lækninga, skrifstofa fjármála og skrifstofa mannauðsmála.

Stjórn[breyta | breyta frumkóða]

Framkvæmdastjórn stjórnar daglegum rekstri Landspítala. Hana skipa forstjóri og 7 framkvæmdastjórar.

Páll Matthíasson er forstjóri Landspítala frá 1. október 2013. Hann var áður framkvæmdastjóri geðsviðs Landspítala. Páll tók við af Birni Zoëga sem gegndi starfinu frá 1. október 2010. Björn tók þá við af Huldu Gunnlaugsdóttur sem síðar var ráðin forstjóri Akershus háskólasjúkrahússins í Osló. Magnús Pétursson, síðar ríkissáttasemjari, var forstjóri spítalans frá 1999 til 2008.

Framkvæmdastjórn LSH[breyta | breyta frumkóða]

  • Páll Matthíasson forstjóri
  • Ásta Bjarnadóttir, framkvæmdastjóri mannauðsmála
  • Guðlaug Rakel Guðjónsdóttir, framkvæmdastjóri meðferðarsviðs
  • Hlíf Steingrímsdóttir, framkvæmdastjóri aðgerðasviðs
  • Jón Hilmar Friðriksson, framkvæmdastjóri þjónustusviðs
  • Ólafur Baldursson, framkvæmdastjóri lækninga
  • Ólafur Darri Andrason, framkvæmdastjóri fjármála
  • Sigríður Gunnarsdóttir, framkvæmdastjóri hjúkrunar

Ritari framkvæmdastjórnar er Anna Sigrún Baldursdóttir, aðstoðarmaður forstjóra.

Sjá einnig[breyta | breyta frumkóða]

Tenglar[breyta | breyta frumkóða]

Tilvísanir[breyta | breyta frumkóða]

  Þessi heilsugrein er stubbur. Þú getur hjálpað til með því að bæta við greinina.

Hnit: 64°08′18″N 21°55′38″V / 64.13833°N 21.92722°A / 64.13833; 21.92722