Barnaverndarstofa
Barnaverndarstofa er sjálfstæð stofnun sem heyrir undir Velferðarráðuneytið. Stofnunin vinnur að samhæfingu og eflingu barnaverndarstarfs á Íslandi.
Það eru barnaverndarnefndir hvers sveitarfélags sem fara með barnaverndarmál, en Barnaverndarstofa hefur eftirlit með störfum þeirra.
Stofnunin rekur:
- Barnahús – Þjónusta sem sinnir málefnum barna sem grunur leikur á að hafi verið beitt kynferðisofbeldi.
- Meðferðarheimili fyrir börn, eitt á Suðurlandi og annað á Norðurlandi.
- Stuðla – Meðferðarstöð ríkisins sem veitir bæði meðferðarvistun og neyðarvistun.
- Sálfræðiþjónustu fyrir börn sem sýna óviðeigandi kynhegðun.
- Fósturráðstafanir – Stofnunin getur komið börnum til fósturforeldra tímabundið eða varanlega.
- Meðferðarúrræði fyrir fjölskyldur unglinga með alvarlegan hegðunarvanda.
- Þjálfun fyrir foreldra barna með hegðunarerfiðleika.
