I Am... Sasha Fierce

I Am... Sasha Fierce
Kápan á stöðluðu útgáfunni
Breiðskífa eftir Beyoncé
Gefin út	12. nóvember 2008 (2008-11-12)
Tekin upp	Nóvember 2007 – ágúst 2008
Hljóðver	Ýmis Chung King Electric Lady Germano Roc the Mic Strawberrybee Productions (New York-borg) Bangladesh PatchWerk Silent Sound Soapbox Tree Sound (Atlanta) 2nd Floor (Orlando) South Beat (Miami Beach) Music World (Houston) Mansfield The Campground (Los Angeles) The Boom Boom Room (Burbank) GAD (Ibiza)
Stefna	Popp R&B
Lengd	41:36
Útgefandi	Columbia Music World Entertainment
Stjórn	Bama Boyz Bangladesh D-Town Darkchild Ian Dench Blac Elvis Toby Gad Sean Garrett Amanda Ghost Andrew Hey Jim Jonsin Beyoncé Knowles Harold Lilly Dave McCracken Rico Love Ramon "REO" Owen Stargate Tricky Stewart Ryan Tedder The-Dream Wayne Wilkins
Tímaröð – Beyoncé
B'Day (2006) I Am... Sasha Fierce (2008) 4 (2011)
Smáskífur af I Am... Sasha Fierce
„If I Were a Boy“ Gefin út: 8. október 2008 „Single Ladies (Put a Ring on It)“ Gefin út: 13. október 2008 „Diva“ Gefin út: 20. janúar 2009 „Halo“ Gefin út: 10. janúar 2009 „Ego“ Gefin út: 19. maí 2009 „Sweet Dreams“ Gefin út: 2. júní 2009 „Broken-Hearted Girl“ Gefin út: 28. ágúst 2009 „Video Phone“ Gefin út: 22. september 2009 „Why Don't You Love Me“ Gefin út: 2. júlí 2010

I Am... Sasha Fierce er þriðja breiðskífa bandarísku söngkonunnar Beyoncé. Platan var gefin út 12. nóvember 2008 af Columbia Records og Music World Entertainment. Í upprunalegu útgáfunni var platan sniðin sem tvöföld plata, með það fyrir augum að markaðssetja tvískipta listræna persónu Beyoncé. Fyrri diskurinn I Am... inniheldur hægt og miðtempó popp og R&B ballöður, en sá síðari, Sasha Fierce (sem kenndur er við annað sjálf Beyoncé á sviðinu), leggur meiri áherslu á upptempó takta sem blanda saman eiginleikum rafpopps og europopps. Við textasmíð laganna vann Beyoncé með lagahöfundum, í hverri upptökulotu var lifandi hljómsveitarflutningur.

Beyoncé þakkaði bæði eiginmanni sínum, rapparanum Jay-Z, og djasssöngkonunni Ettu James fyrir að hafa veitt henni innblástur til að láta reyna á takmörk sín sem lagahöfundur og listamaður. Tónlistarstefna I Am... sótti innblástur sinn frá þjóðlagatónlist og jaðarrokki og blandaði eiginleikum kassagítars inn í samtímaballöður. Beyoncé samdi og sá um upptökustjórn laganna í samvinnu við Babyface, Tricky Stewart, The-Dream og Ryan Tedder. Í upptökustjórn Sasha Fierce voru meðal annars Darkchild og Sean Garrett.

I Am... Sasha Fierce fékk misjafna og jákvæða dóma frá tónlistargagnrýnendum og seldist vel, hún fór beint á toppinn á bandaríska Billboard 200 vinsældarlistanum, með 482.000 eintök seld fyrstu vikuna, og varð þetta þriðja sólóplata Beyoncé til að ná efsta sæti vinsældarlistans í Bandaríkjunum. Platan hefur verið viðurkennd sem sexföld platínu plata af Recording Industry Association of America (RIAA) eftir að hafa selst í yfir sex milljónum eintaka í Bandaríkjunum. Á heimsvísu hefur hún hlotið eina demantsviðurkenningu og meira en þrjátíu viðurkenningar sem platínu plata. I Am.. Sasha Fierce hefur selst í 10 milljónum eintaka um allan heim, sem gerir hana að einni af mest seldum plötum 21. aldarinnar. Platan hlaut sjö tilnefningar á 52. Grammy-verðlaunahátíðinni, þar á meðal tilnefningu fyrir plötu ársins, og vann sex verðlaun. Beyoncé sló þar með metið fyrir flest Grammy verðlaun sem kona hefur unnið á einu kvöldi.

Af plötunni komu í heildina níu smáskífur. Fyrsta smáskífan, „If I Were a Boy“, var í efsta sæti vinsældarlista í yfir tíu löndum og náði þriðja sæti á Billboard Hot 100 vinsældarlistanum. Önnur smáskífan, „Single Ladies (Put a Ring on It)“, varð fimmta smáskífa hennar til að komast í efsta sæti á Hot 100 vinsældarlistanum. Báðar náðu miklum vinsældum á heimsvísu. Næstu smáskífur plötunnar, „Diva“ og „Ego“, voru eingöngu gefnar út í Bandaríkjunum, en „Halo“ og „Sweet Dreams“ voru markaðssettar á alþjóðavettvangi sem þriðju og fjórðu smáskífur plötunnar. Smáskífan „Broken-Hearted Girl“ var gefin út á alþjóðavettvangi sem fimmta smáskífan, en „Video Phone“ var áttunda smáskífan í heildina og kom út í september 2009. Níunda og síðasta smáskífan, „Why Don't You Love Me“, kom út í júlí 2010. Til að kynna plötuna kom Beyoncé fram á nokkrum verðlaunahátíðum og sjónvarpsþáttum víðsvegar um Evrópu og Ameríku og fór í tónleikaferðalagið I Am... World Tour árin 2009 til 2010.

Lagalisti

I Am... - Hefðbundin útgáfa:

1. „If I Were a Boy“
2. „Halo“
3. „Disappear“
4. „Broken-Hearted Girl“
5. „Ave Maria“
6. „Satellites“

Sasha Fierce - Hefðbundin útgáfa:

1. „Single Ladies (Put a Ring on It)“
2. „Radio“
3. „Diva“
4. „Sweet Dreams“
5. „Video Phone“

Heimildir

Fyrirmynd greinarinnar var „I Am... Sasha Fierce“ á ensku útgáfu Wikipedia. Sótt 4. maí 2023.