Frjálslyndi lýðræðisflokkurinn (Ísland)
Frjálslyndi lýðræðisflokkurinn (einnig kallaður XO) er íslenskur stjórnmálaflokkur stofnaður af Guðmundi Franklín Jónssyni árið 2020. Slagorð þeirra er Fjárfestum, framkvæmum og framleiðum. Flokkurinn er með listabókstafin O.
Frjálslyndi lýðræðisflokkurinn leggur áherslu á að styrkja grunnstoðir samfélagsins þar sem einstaklingurinn nýtur frelsis til athafna í gegnum sköpunarkraft og með frumkvæði að vopni. Þeir vilja efla beint lýðræði og nota þjóðaratkvæðagreiðslur í mikilvægum málefnum. Að þeirra mati er einstaklingsfrelsi lykillinn að gæfu þjóðarinnar ásamt lágum sköttum, friðsömum og haftalausum milliríkjaviðskiptum, frjálsri samkeppni og sem minnstum ríkisafskiptum. [1]
Þann 14. október 2020 tilkynnti Guðmundur Franklín Jónsson, hagfræðingur að hann hyggðist stofna nýjan stjórnmálaflokk sem ætlaði að gefa kost á sér í alþingiskosningunum 2021.[2] Þann 10. febrúar 2021 var framboðið staðfest og tilkynnt.[3] Flokkurinn bauð fram í alþingiskosningunum 2021 sem fóru fram þann 25. september 2021.
Alþingiskosningar 2021[breyta | breyta frumkóða]
Flokkurinn fékk 0,4% fylgi í kosningunum og engan kjörinn þingmann með einungis 844 atkvæði.[4] Daginn eftir kosningarnar, 26. september 2021 tilkynnti formaður flokksins, Guðmundur Franklín Jónsson, að hann væri hættur öllum afskiptum sínum af stjórnmálum.[5] Samt tilkynnti hann að flokkurinn væri ekki hættur en óvíst er hver mun taka við hans stjórn. Flokkurinn hyggst taka þátt í Sveitarstjórnarkosingunum 2022.
Sveitarstjórnarkosningar 2022[breyta | breyta frumkóða]
Í febrúar árið 2022 sagði Guðmundur Franklín Jónsson í samtali við Fréttablaðið að ekki væri von á framboði í sveitarstjórnarkosningunum. Glúmur Baldvinsson, oddviti flokksins árið 2021 sagði í framhaldinu að ekki væri nein plön um það. Hann sagði samt að nýr stjórnmálaflokkur væri á plani.
Tilvísanir[breyta | breyta frumkóða]
- ↑ „Frjálslyndi lýðræðisflokkurinn“. x-o.is. Afrit af upprunalegu geymt þann 5. nóvember 2021. Sótt 16. september 2021.
- ↑ Hilmarsdóttir, Sunna Kristín. „Frjálslyndi lýðræðisflokkurinn býður fram til Alþingis - Vísir“. visir.is. Sótt 16. september 2021.
- ↑ „Segir frambjóðendur nýstofnaðs stjórnmálaafls óttast fjölmiðla“. Stundin. Sótt 16. september 2021.
- ↑ „Lokatölur: Ríkisstjórnin heldur velli með 37 þingmenn“. RÚV. 26. september 2021. Sótt 26. september 2021.
- ↑ Þakkir og uppgjör, sótt 26. september 2021