Friðarsúlan

Úr Wikipediu, frjálsa alfræðiritinu
Friðarsúlan á opnunardegi 9. október 2007

Friðarsúlan (enska: Imagine Peace Tower) er útilistaverk eftir Yoko Ono reist í Viðey í Kollafirði til að heiðra minningu látins eiginmanns listakonunnar, John Lennons. Listaverkið var vígt á afmæli Johns Lennons þann 9. október 2007. Friðarsúlan er tákn fyrir baráttu Ono og Lennons fyrir heimsfriði, sem hófst á sjöunda áratug 20. aldar. Ono segist hafa fengið hugmyndina að friðarsúlu árið 1967. Á stalli súlunnar eru grafin orðin „hugsa sér frið“ eða „imagine peace“ á 24 tungumálum, þar á meðal á íslensku, ensku, þýsku, japönsku og hebresku. Enska heitið er vísun í lagið „Imagine“ eftir John Lennon.

Uppbygging[breyta | breyta frumkóða]

Friðarsúlan er ljóskastari, sem lýsir upp í himininn, listaverkið er þannig hannað að 6 ljósgangar liggja lárétt í jörðinni að ljósbrunninum þar sem þeir falla á spegla sem halla í 45° og varpa því ljósinu lóðrétt upp í loftið. Í botni ljósbrunnsins, sem er 4 metrarþvermáli og 2 metra hár, eru einnig aflmiklar ljósaperur, fylltar Xenon-gasi, sem beinast upp á við. Samanlagt afl ljósanna er 70 kW.

Bygging friðarsúlunnar var fjármögnuð af Yoko Ono, Reykjavíkurborg og Orkuveitu Reykjavíkur, sem einnig greiðir rekstrarkostnað.

Upplýsing[breyta | breyta frumkóða]

Friðarsúlan logar samfellt frá sólarlagi til miðnættis eftirtalin tímabil:

Eins er mögulegt, við sérstök tilefni, af fá leyfi hjá listakonunni til að kveika á friðarsúlunni utan ofantaldra tímabila.

Orðin á mismunandi tungumálum[breyta | breyta frumkóða]

Orðin „Hugsa sér frið“ eru rituð á 25 tungumálum hringin í kringum súluna (sjá einnig myndir af öðrum tungumálum en íslensku)

Orðin á súlunni eru rituð á 24 tungumálum. Að neðan er listi með þýðingum (listinn er ekki tæmandi):

Hnit[breyta | breyta frumkóða]

64°9′47.66″N 21°51′34.08″V / 64.1632389°N 21.8594667°V / 64.1632389; -21.8594667

Tenglar[breyta | breyta frumkóða]

  • Vefsíða friðarsúlunnar Geymt 17 október 2007 í Wayback Machine
  • „Getið þið sýnt okkur fleiri myndir af ljóssúlunni hennar Yoko Ono í Viðey?“. Vísindavefurinn.
  • „Hversu langt upp í himininn drífur ljósið frá friðarsúlunni í Viðey?“. Vísindavefurinn.
  • Hugsa sér frið - Imagine Peace á vef Reykjavíkurborgar