Eva Hauksdóttir

Eva Hauksdóttir (fædd 1. júlí 1967) er íslenskur lögmaður, aðgerðarsinni, rithöfundur, norn, álitsgjafi og áhugamanneskja um samfélagsmál.

Eva er íslensku- og bókmenntafræðingur að mennt frá Háskóla Íslands og lauk lögfræðinámi í alþjóðlegri mannréttindalöggjöf frá Strathclyde-háskóla í Glasgow. Hún er í sambandi/sambúð með Einari Steingrímssyni, prófessor.

Eva rekur lögmannsstofuna Hlít.

Ferill

Aðgerðarsinninn Eva

Eva Hauksdóttir var mjög virk í mótmælum búsáhaldabyltingarinnar frá miðjum nóvember 2008 og út janúar 2009 og var þar í hópi aðgerðarsinni. Krafa Evu og annara aðgerðasinna/anarkista var að reka ríkisstjórnina í burtu og koma á beinu lýðræði í framhaldinu.

Aðkoma Evu í áhlaupinu á lögreglustöðina 22. nóvember 2008.

Aðalgrein: Áhlaup á lögreglustöðina við Hverfisgötu 22. nóvember 2008

Sonur Evu, Haukur Hilmarsson, var handtekinn 21. nóvember 2008 fyrir að draga bónusfána að húni efst á þaki Alþingis í miðjum mótmælum. Síðar kom í ljós að ástæða handtökunnar var ekki vegna fánaatviksins heldur vegna fangelsisdóms sem Haukur hafði hlotið en átti eftir að afplána. Í kjölfarið réðst fjöldi fólks í áhlaup á lögreglustöðina við Hlemm. Eva Hauksdóttir hélt ræðu fyrir utan lögreglustöðina hvar hún fór fram á frelsi sonar síns. Eftir að engin viðbrögð fengust frá lögreglu hófu mótmælendur áhlaup inn í húsið í gegnum læstar aðaldyr höfuðstöðvar lögreglunnar. Á meðan mótmælunum stóðu beitti lögreglan piparúða og fjölmargir leituðu sér aðhlynningar á slysadeild, meðal annars Eva Hauksdóttir sem þótti mótmæla friðsamlega. ^{[heimild vantar]}

Bloggari, pistlahöfundur og hlaðvarpsstjórnandi

Eva var afkastamikill bloggari. Hún er nú pistlahöfundur þar sem hún lætur sig varða ýmis konar samfélagsmál, og heldur úti eigin heimasíðu norn.is Eva er með hlaðvarpið Til hlítar á Brotkast.is.