Botnleðja

Botnleðja
Uppruni	Hafnarfjörður, Íslandi
Ár	1994-2005, 2011 – 2013, 2023
Stefnur	Rokk
Útgáfufyrirtæki	Rymur, R&R músik, Error músík, Spik
Meðlimir	Heiðar Örn Kristjánsson Ragnar Páll Steinsson Haraldur Freyr Gíslasson

Botnleðja er íslensk rokkhljómsveit sem var stofnuð af nokkrum piltum í Hafnarfirði snemma í byrjun 10. áratugsins. Hún er skipuð þeim Heiðari Erni Kristjánssyni sem syngur og spilar á gítar, Ragnari Páli Steinssyni á bassa og Haraldi Frey Gíslasyni á trommum. Hljómsveitin vann músíktilraunir árið 1995. Botnleðja fór í tónleikaferðalag um Bretland og hitaði upp fyrir ensku hljómsveitina Blur árið 1997. Hljómsveitin tók þátt í undankeppni Söngvakeppni evrópskra sjónvarpsstöðva árið 2003 með lagið Eurovísa og hafnaði þar í öðru sæti, á eftir Birgittu Haukdal.

Botnleðja kom úr 10 ára dvala árið 2023 þegar sveitin hitaði upp fyrir hljómsveitina Pavement í Hörpu.

Meðlimir

• Haraldur Freyr Gíslason - trommur
• Heiðar Örn Kristjánsson - gítar
• Ragnar Páll Steinsson - bassi

Kristinn Gunnar Blöndal var hljómborðsleikari hljómsveitarinnar á því tímabili sem hún gerði Magnyl. Gítarleikarinn Andri Freyr Viðarsson tók við af Kristni og tók þátt í mörgum hljómleikaferðum hljómsveitarinnar víða um heim og hérlendis. Hann spilaði ekki inn á plötu með Botnleðju. Heiðar og Haraldur eru líka hluti af Hafnarfjarðarmafíunni, Stuðningsveit Fimleikafélags Hafnarfjarðar og Pollapönk.

Útgefið efni

Breiðskífur

• Drullumall (1995)
• Fólk er fífl (1996)
• Magnyl (1998)
• Douglas Dakota (2000)
• Icelandic National Park (2003)

Safnskífur

• Þegar öllu er á botninn hvolft (2013)

Smáskífur

• "Panikkast" (2013)

Tenglar

• Botnleðja plötulisti á MusicBrainz
• Glatkistan