Anthony Fauci

Úr Wikipediu, frjálsa alfræðiritinu
Jump to navigation Jump to search
Anthony Fauci
Anthony Fauci 2020.jpg
Anthony Fauci árið 2020.
Forstjóri Ofnæmis- og smitsjúkdómastofnunar Bandaríkjanna
Núverandi
Tók við embætti
2. nóvember 1984
Persónulegar upplýsingar
Fæddur24. desember 1940 (1940-12-24) (80 ára)
Brooklyn, New York-borg, New York, Bandaríkjunum
MakiChristine Grady ​(g. 1985)
Börn3
HáskóliCollege of the Holy Cross
Cornell-háskóli

Anthony Stephen Fauci (f. 24. desember 1940) er bandarískur ónæmisfræðingur sem hefur verið forstjóri Ofnæmis- og smitsjúkdómastofnunar Bandaríkjanna frá árinu 1984. Frá janúar 2020 var hann einn af helstu meðlimum viðbragðsteymis Donalds Trump Bandaríkjaforseta gegn kórónaveirufaraldrinum í landinu og frá embættistöku Joe Biden í janúar 2021 hefur Fauci jafnframt verið heilbrigðisráðgjafi Bandaríkjaforseta.[1] Fauci er meðal helstu sérfræðinga í smitsjúkdómum á heimsvísu og við byrjun faraldursins lýstu tímaritin The New Yorker og The New York Times honum sem einum virtasta lækni í Bandaríkjunum.[2][3][4][5]

Sem læknir við Heilbrigðisstofnun Bandaríkjanna hefur Fauci unnið að heilbrigðismálum í rúm 50 ár og hefur verið ráðgjafi allra forseta Bandaríkjanna frá og með Ronald Reagan.[4] Hann hefur lagt sitt af mörkum við rannsóknir á alnæmi og öðrum sjúkdómum sem valda ónæmisbresti, bæði sem vísindamaður og sem forstjóri Ofnæmis- og smitsjúkdómastofnunarinnar.[6] Frá 1983 til 2002 var Fauci meðal þeirra vísindamanna sem oftast var vísað til í vísindatímaritum.[6] Árið 2008 sæmdi George W. Bush Fauci frelsisorðu Bandaríkjaforseta fyrir störf hans við neyðaráætlun forsetans handa eyðnismituðum (PEPFAR).

Tilvísanir[breyta | breyta frumkóða]

  1. Merica, Dan (4. desember 2020). „CNN Exclusive: Biden says he will ask Americans to wear masks for the first 100 days he's in office“. CNN.com. Sótt 8. desember 2020.
  2. Specter, Michael. „How Anthony Fauci Became America's Doctor“. The New Yorker. Afrit af upprunalegu geymt þann 13. apríl 2020. Sótt 8. desember 2020.
  3. „The face of America's fight against Covid-19". BBC News. 25. mars 2020. Skoðað 8. desember 2020.
  4. 4,0 4,1 Alba, Davey; Frenkel, Sheera (28. mars 2020). „Medical Expert Who Corrects Trump Is Now a Target of the Far Right“. The New York Times. Afrit af upprunalegu geymt þann April 2, 2020. Sótt 8. desember 2020.
  5. Grady, Denise, "Not His First Epidemic: Dr. Anthony Fauci Sticks to the Facts" Geymt 2020-03-27 í Wayback Machine, The New York Times, 8. mars 2020.
  6. 6,0 6,1 „Biography Anthony S. Fauci, M.D. NIAID Director“. NIAID. Afrit af upprunalegu geymt þann 30. október 2007.
Wiki letter w.svg  Þessi grein er stubbur. Þú getur hjálpað til með því að bæta við greinina.