Sveitarstjórnarkosningar á Íslandi 2014

Úr Wikipediu, frjálsa alfræðiritinu
Stökkva á: flakk, leita
Eva Einarsdóttir, frambjóðandi Bjartrar framtíðar, fyrir framan kosningaskrifstofu flokks síns á kjördegi.

Sveitarstjórnarkosningar á Íslandi 2014 verða haldnar 31. maí 2014. Í sveitarstjórnarkosningunum 2010 var tiltölulega dræm kjörsókn (73,5%), meirihlutar féllu víðsvegar um land og óháð framboð hlutu nokkurt kjörfylgi. Sérstaka athygli vakti framboð Besta flokksins í Reykjavík sem fékk sex fulltrúa kjörna og Lista fólksins á Akureyri sem fékk sex fulltrúa kjörna og hreinan meirihluta. Meirihlutar féllu í öllum stærstu þéttbýlissvæðum landsins; Reykjavík, Kópavogi, Hafnafirði og Akureyri.

Samkvæmt opinberri stefnu stjórnvalda um upplýsingasamfélagið mun verða notast við rafræna kjörskrá í tilraunaskyni.[1] Þau tvö sveitarfélög sem munu taka þátt í tilraunaverkefninu verð Akranesbær og Rangárþing ytra.[2]

Akureyri[breyta]

Á Akureyri ákváðu L-listinn og Bæjarlistinn að sameinast.[3]

Reykjavík[breyta]

Jón Gnarr, þáverandi borgarstjóri Reykjavíkur, hafði tilkynnt að hann hyggist ekki bjóða sig fram til sveitarstjórnarkosninganna sem haldnar verða í maí 2014.

Jón Gnarr, þáverandi borgarstjóri Reykjavíkur, tilkynnti á Hrekkjavökudegi, í útvarpsþættinum Tvíhöfði á Rás 2 að hann hyggðist ekki bjóða sig fram í komandi kosningum.[4] Nokkur eftirvænting var vegna tilkynningar Jóns en flokkur hans, Besti flokkurinn hafði óvænt fengið sex borgarfulltrúa kjörna í síðustu kosningum. Í stað þess munu þeir meðlimir Besta flokksins sem taka munu þátt í næstu kosningum ganga yfir í Bjarta framtíð. Jón sagði jafnframt hann teldi að stjórnarmyndun Samfylkingarinnar og Bjartrar framtíðar undir leiðsögn Björns Blöndals eftir kosningar yrði Reykjavíkurborg best. Dögun hafa tilkynnnt um framboð í Reykjavík en sá flokkur bauð fram í síðustu Alþingiskosningum án þess að ná manni á þing.[5]

Síðustu kosningar[breyta]

Í sveitarstjórnarkosningunum 2010 hafði framboð Besta flokksins vakið athygli og hlaut sá flokkur sex sæti í borgarstjórn og var þar með stærsti flokkurinn í Reykjavík. Úr þeim kosningum myndaðist stjórnarsamband milli Besta flokksins og Samfylkingarinnar sem samanlagt hafði níu af fimmtán sætum í borgarstjórn.

ISL Reykjavik COA.svg Reykjavíkurborg

Listar Av Av% Ft (Ft) Δ
B Framsóknarflokkurinn 1.629 2,7 0 1 -1
D Sjálfstæðisflokkurinn 20.006 33,6 5 7 -2
E Listi Reykjavíkurframboðsins 681 1,1 0 0 -
F Frjálslyndi flokkurinn 274 0,5 0 1 -1
H Listi framboðs um heiðarleika 668 1,1 0 0 -
S Samfylkingin 11.344 19,1 3 4 -1
V Vinstrihreyfingin – grænt framboð 4.255 7,2 1 2 -1
Æ Listi Besta flokksins 20.666 34,7 6 0 +6
' auðir og ógildir 3.496 5,5
Alls 63.019 100 15 15 -
Á kjörskrá 85.808 Kjörsókn 73,4%


Í framboði[breyta]

Átta flokkar verða í framboði til kosninga.[6]

Björt framtíð[breyta]

Sveitarstjórnarkosningarnar 2014 verða fyrstu sveitarstjórnarkosningarnar sem Björt framtíð býður fram á. Af tíu efstu sætunum á framboðslista Bjartrar framtíðar eru sex frambjóðendur tengdir framboði Besta flokkssins í síðustu sveitarstjórnarkosningum.

10 efstu sæti framboðslista Bjartrar framtíðar[7]
  1. Björn Blöndal, aðstoðarmaður borgarstjóra og tónlistarmaður
  2. Elsa Yeoman, forseti borgarstjórnar og húsgagnasmiður
  3. Ilmur Kristjánsdóttir, leikkona
  4. Eva Einarsdóttir, borgarfulltrúi
  5. Ragnar Hansson, leikstjóri
  6. Magnea Guðmundsdóttir, arkitekt
  7. Kristján Freyr Halldórsson, bóksali og tónlistarmaður
  8. Margrét Kristín Blöndal, varaborgarfulltrúi og tónlistarmaður
  9. Heiðar Ingi Svansson, bókaútgefandi
  10. Diljá Ámundadóttir, varaborgarfulltrúi

Dögun[breyta]

Stjórnmálasamtökin Dögun sem voru stofnuð 2012 og buðu fram til Alþingiskosningar 2013 en fengu engan mann kjörinn til Alþingis hafa tilkynnt um að þau hyggjist bjóða fram lista til sveitarstjórnarkosninganna 2014. Í fyrsta sæti er Þorleifur Gunnlaugsson sem hefur boðið fram á vegum VG um árabil.

8 efstu sæti framboðslista Dögunar[5]
  1. Þorleifur Gunnlaugsson, varaborgarfulltrúi
  2. Ása Lind Finnbogadóttir , framhaldsskólakennari
  3. Salmann Tamimi, tölvunarfræðingur
  4. Ragnheiður Lára Guðrúnardóttir, varaborgarfulltrúi
  5. Gunnar Hólmsteinn Ársælsson, stjórnmálafræðingur
  6. Alma Rut Lindudóttir, forvarnarráðgjafi
  7. Björgvin Egill Vídalín, rafeindavirki
  8. Helga Þórðardóttir, kennari

Listi framsóknar og flugvallarvina í Reykjavík[breyta]

Í nóvember 2013 samþykkti kjördæmaþing framsóknarfélaganna í Reykjavík hefur tillögu kjörstjórnar um skipan í efstu sjö sæti framboðslista fyrir sveitarstjórnarkosningar í vor. Kjörorð Framsóknarflokksins í Reykjavík í kosningunum verða Reykjavík fyrir alla. Þriðja apríl tilkynnti Óskar Bergsson að hann hafði ákveðið að axla ábyrgð á slælegu gengi flokksins í skoðanakönnunum og bjóða ekki fram í kosningunum.[8] Eftir ákvörðun hans um að hætta framboð var leit hafin að nýjum oddvita, en athygli vakti að Guðrún Bryndís Karlsdóttir yrði ekki valin sem nýr oddviti. Voru bæði Guðni Ágústsson og Magnús Scheving nefndir sem mögulegir frambjóðendur. Guðni hafði ætlað að lýsa yfir framboði sínu við Reykjavíkurflugvöll þann 24. apríl 2014 en hætti síðan við kvöldið áður þegar hann tilkynnti að hann myndi ekki bjóða sig fram.[9] Þann 29. apríl 2014 var síðan Sveinbjörg Birna Sveinbjörnsdóttir tilkynnt sem oddviti flokksins á aukakjördæmisþingi flokksins.[10] Þann 23. maí lýsti Sveinbjörg Birna, oddviti Framsóknar, þeirri skoðun sinni að afturkalla ætti lóð sem búið var að úthluta til byggingu mosku í Reykjavík.[11] Fyrir vikið upphófst gagnrýnin umræða á netinu og Hreiðar Eiríksson sagði sig frá fimmta sæti listans.[12]

Upprunalegu 7 efstu sæti framboðslista Framsóknar[13]
  1. Óskar Bergsson, rekstrarfræðingur og húsasmíðameistari
  2. Guðrún Bryndís Karlsdóttir, sjúkraliði og verkfræðingur
  3. Valgerður Sveinsdóttir, lyfjafræðingur
  4. Guðlaugur Gylfi Sverrisson, vélfræðingur
  5. Hafsteinn Ágústsson, kerfisstjóri
  6. Hallveig Björk Höskuldsdóttir, öryggisstjóri
  7. Trausti Harðarson, viðskiptafræðingur
10 efstu sæti framboðslista Framsóknar eftir 29. apríl 2014[14]
  1. Sveinbjörg Birna Sveinbjörnsdóttir, héraðsdómslögmaður
  2. Guðfinna Guðmunsdóttir, héraðsdómslögmaður
  3. Gréta Björg Egilsdóttir, íþróttafræðingur
  4. Jóna Björg Sætran, menntunarfræðingur og markþjálfi
  5. Hreiðar Eiríksson, héraðsdómslögmaður og fyrrverandi lögreglumaður
  6. Ríkharð Óskar Guðnason, útvarpsmaður
  7. Trausti Harðarson, viðskiptafræðingur
  8. Herdís Telma Jóhannsdóttir, verslunareigandi
  9. Katrín Dögg Ólafsdóttir, jafnréttisfulltrúi lögreglunnar
  10. Jón Sigurðsson, skemmtikraftur

Píratar[breyta]

Framboðslistakosningum Pírata lauk þann 22. febrúar og eftirfarandi frambjóðendur verða á lista þeirra.

7 efstu sæti framboðslista Pírata[15]
  1. Halldór Auðar Svansson
  2. Þórgnýr Thoroddsen
  3. Þórlaug Ágústsdóttir
  4. Arnaldur Sigurðarson
  5. Kristín Elfa Guðnadóttir
  6. Ásta Helgadóttir
  7. Þuríður Björg Þorgrímsdóttir

Samfylkingin[breyta]

Auglýsingar við Hringbraut sem sýna Dag B. Eggertsson, frambjóðanda Samfylkingarinnar.

Fulltrúaráð Samfylkingarinnar í Reykjavík samþykkti þann 25. nóvember 2013 að fjórir efstu fulltrúar flokksins í borgarstjórnarkosningunum skyldu vera valdnir í flokksvali en hinir yrðu uppstilltir. Prófkjör fóru fram í netkosningu frá 7.-8. febrúar 2014 og lýsti Dagur B. Eggertsson einn því yfir að hann sóttist eftir oddvitasætinu.[16][17] Úr prófkjörinu voru Dagur B. Eggertsson, Björk Vilhelmsdóttir, Hjálmar Sveinsson og Kristín Soffía Jónsdóttir valin í fyrstu fjögur sætin og var það flokksstjórnar að velja hin sætin á eftir með niðurstöður prófkjörsins að leiðarljósi. Fléttulisti var notaður til þess að tryggja kynjajafnrétti.


10 efstu sæti framboðslista Samfylkingarinnar[18]
  1. Dagur B. Eggertsson, borgarfulltrúi og læknir
  2. Björk Vilhelmsdóttir, borgarfulltrúi
  3. Hjálmar Sveinsson, varaborgarfulltrúi
  4. Kristín Soffía Jónsdóttir, varaborgarfulltrúi
  5. Skúli Helgason, stjórnmálafræðingur
  6. Heiða Björg Hilmisdóttir, deildastjóri LSH
  7. Magnús Már Guðmundsson, framhaldsskólakennari
  8. Dóra Magnúsdóttir, stjórnsýslufræðingur
  9. Sabine Leskopf
  10. Tomasz Chrapek

Sjálfstæðisflokkurinn[breyta]

Prófkjör Sjálfstæðisflokksins í Reykjavík fóru fram 16. nóvember 2013.[19] Fjórir tilkynntu um framboð í fyrsta sætið: Hildur Sverrisdóttir, lögfræðingur, Halldór Halldórsson fyrrverandi formaður Sambands íslenskra sveitarfélaga, Júlíus Vífill Ingvarsson, borgarfulltrúi, og Þorbjörg Helga Vigfúsdóttir, borgarfulltrúi.[20] Í prófkjörinu greiddu 5.075 flokksmenn atkvæði og fyrir fyrsta sætið hlaut Halldór Halldórsson þar flest og mun hann þá vera oddviti flokksins í komandi kosningu.

10 efstu sæti framboðslista Sjálfstæðisflokksins[21]
  1. Halldór Halldórsson
  2. Júlíus Vífill Ingvarsson
  3. Kjartan Magnússon
  4. Þorbjörg Helga Vigfúsdóttir
  5. Áslaug María Friðriksdóttir
  6. Hildur Sverrisdóttir
  7. Marta Guðjónsdóttir
  8. Börkur Gunnarsson
  9. Björn Gíslason
  10. Lára Óskarsdóttir

Vinstrihreyfingin - grænt framboð[breyta]

Á vegum VG var haldinn valfundur í Reykjavík þar sem kosið var um fimm efstu sætin. Um 400 félagar sóttu fundinn. Stillt verður upp í neðri sæti.

5 efstu sæti framboðslista Vinstrihreyfingarinnar - grænt framboð [22]
  1. Sóley Tómasdóttir
  2. Líf Magneudóttir
  3. Hermann Valsson
  4. Eyrún Eyþórsdóttir
  5. Gísli Garðarsson

Kannanir[breyta]

Framkvæmd Aðili Úrtak Nefna flokk Framsóknarfl. Sjálfstæðisfl. Samfylkingin Vinstri græn Björt framtíð Besti flokkurinn Píratar Aðrir
1.4-30.4.2013 Þjóðarpúlsinn 2.496 (60,3%) 78,7% 8,6% 31,7% 16,7% 7,9% 31,9% 3,2%
15.08-14.09 2013 Þjóðarpúlsinn 2.682 (60,1%) 87% 4,1% 31,4% 15,1% 10,6% 34,8% 4,1%
6.11-18.11 MBL 2.600 (59%) 2,3% 26,6% 17,5% 9,0% 29,4% 10,1% 5,1%
nóvember 2013 Þjóðarpúlsinn 2.066 (60,2%) 75,8% 3,3% 28,7% 20,5% 9,3% 33,9% 4,3%
16.1-16.2 2014 Þjóðarpúlsinn 1.730 (60,2%) 83,0% 3,3% 28,5% 18,2% 9,7% 28,1% 10,9% 1,4%
12.3 2014 Fréttablaðið 805 (65,0%) 60,0% 3,7% 23,1% 23,0% 9,5% 28,3% 10,9% 9,6%
20.2-19.3 2014 Þjóðarpúlsinn 2.738 (59,7%) 82,6% 3,6% 23,5% 23,5% 9,9% 22,7% 13,2% 2,1%
19.2-10.4 2014 Þjóðarpúlsinn 2100 (60%) 87% 3,0% 25,5% 27,6% 6,5% 24,3% 10,5% 2,6%
30.4-6.5 2014 Félagsvísindastofnun HÍ 4,5% 27,2% 30,3% 6,0% 19,7% 10,0%
15.4-7.5 2014 Þjóðarpúlsinn 1.591 80% 4,9% 23,2% 29,9% 9,2% 20,5% 10,6% 1,7%
12.5-15.5 2014 Félagsvísindastofnun HÍ 1.591 80% 3,1% 21,5% 34,1% 6,3% 22,2% 9,4% 3,5%
23.5-29.5 2014 Þjóðarpúlsinn 1.991 60% 6,9% 22.6% 36,7% 7,9% 17,8% 6,3% 1,7%

Tilvísanir[breyta]

  1. Vöxtur í krafti netsins - byggjum, tengjum og tökum þátt
  2. Bjóða upp á rafrænar íbúakosningar
  3. L-listinn og Bæjarlistinn að sameinast
  4. „Ætla ekki að gefa kost á mér“, Rúv.is 30. október 2013
  5. 5,0 5,1 Dögun samþykkti lista í Reykjavík
  6. „8 flokkar í framboði í Reykjavík“,
  7. Sveitarstjórnarmál - Reykjavík
  8. Óskar Bergsson hættir við framboð
  9. Vísir, Ekki bloggsorinn sem stóð í Guðna, 25. apríl 2014
  10. Vísir, Sveinbjörg Birna oddviti Framsóknar í Reykjavík. Listinn var skipaður fjórum konum í fjóru efstu sætunum og var því með flestan fjölda kvenna í efstu sætum framboðsins. 29. apríl 2014
  11. Oddviti Framsóknar vill afturkalla lóð til múslima
  12. „Við erum ekki rasistar“
  13. Óskar Bergsson leiðir lista Framsóknar í borginni: Vill tryggja flugvöllinn í sessi
  14. RÚV, Framsókn býður fram með flugvallarvinum, 30. apríl 2014
  15. Píratar - REYKJAVÍK 2014
  16. Vísir, Flokksmenn völdu fjóra efstu fulltrúa Samfylkingarinnar í Reykjavík, 26. nóvember 2013
  17. 18. janúar 2014, Frambjóðendur Samfylkingarinnar í Reykjavík, Fréttablaðið
  18. Dagur fer fyrir 30 frambjóðendum í Reykjavík
  19. Prófkjör Sjálfstæðismanna fer fram í nóvember
  20. Tuttugu gefa kost á sér í prófkjöri Sjálfstæðisflokksins Viðskiptablaðið, 25. okt. 2013
  21. Niðurstöður úr prófkjöri Sjálfstæðisflokksins í Reykjavík
  22. Sóley Tómasdóttir leiðir lista VG í Reykjavík

Tenglar[breyta]

Fréttir[breyta]

Tengt efni[breyta]

Kosningasaga