Svasíland

Úr Wikipediu, frjálsa alfræðiritinu
Stökkva á: flakk, leita
Umbuso weSwatini
Kingdom of Swaziland
Fáni Svasílands Skjaldamerki Svasílands
(Fáni Svasílands) (Skjaldarmerki Svasílands)
Kjörorð: Siyinqaba
(svatí:
Við erum virkið)
Þjóðsöngur: Nkulunkulu Mnikati wetibusiso temaSwati
Staðsetning Svasílands
Höfuðborg Mbabane: stjórnsýsla
Lobamba: konungur og löggjafinn
Opinbert tungumál svatí og enska
Stjórnarfar
Konungur
Indlovukazi
Forsætisráðherra
Einveldi
Mswati 3.
Ntombi drottning
Barnabas Sibusiso Dlamini

Lýðveldi

Sjálfstæði 

 - frá Bretlandi 6. september 1968 
Flatarmál
 • Samtals
 • Vatn (%)
157. sæti
17.364 km²
0,9
Mannfjöldi
 • Samtals (2009)
 • Þéttleiki byggðar
154. sæti
1.185.000
59/km²
VLF (KMJ)
 • Samtals
 • á mann
áætl. 2013
6,344 millj. dala (154. sæti)
5.807 dalir (120. sæti)
VÞL (2013) 0.536 (141. sæti)
Gjaldmiðill lilangeni (SZL)
Tímabelti UTC+2
Þjóðarlén .sz
Landsnúmer 268

Konungsríkið Svasíland er landlukt smáríki í sunnanverðri Afríku með landamæriSuður-Afríku og Mósambík. Landið heitir eftir svasímönnum. Undir lok 19. aldar gerði Suður-Afríska Lýðveldið í Transvaal tilkall til svæðisins, en náðu ekki að leggja það undir sig. Eftir Búastríðið varð landið að bresku verndarsvæði þar til það fékk sjálfstæði 6. september 1968.

Landið er eitt það minnsta í Afríku, aðeins 200 km langt og 130 km breitt. Það er þó landfræðilega fjölbreytt með svala hásléttu og þurrt og heitt láglendi. Íbúar eru aðallega svasímenn sem tala svatí. Þeir stofnuðu konungsríkið um miðja 18. öld. Núverandi landamæri voru fest árið 1881.

Svasíland er einveldi Mswati 3. konungs sem skipar bæði forsætisráðherra og nokkurn fjölda þingfulltrúa. Kosningar eru haldnar á fimm ára fresti til að skera úr um meirihluta á þinginu. Svasíland er í Afríkusambandinu og Breska samveldinu.

Efnahagur Svasílands er fjölbreyttur og byggist á framleiðsluiðnaði, en þrír fjórðu íbúanna vinna samt sem áður við landbúnaðarframleiðslu fyrir heimamarkað sem einkennist af lítilli fjárfestingu og framleiðni. Gjaldmiðillinn, lilangeni, er festur við suðurafríska randið. Þrátt fyrir að vera ekki með fátækustu ríkjum álfunnar býr Svasíland við alvarleg heilbrigðisvandamál; fjórðungur fullorðinna er smitaður af HIV-veirunni og berklar eru einnig vandamál. Lífslíkur voru því aðeins um 50 ár árið 2013.

  Þessi Afríkugrein er stubbur. Þú getur hjálpað til með því að bæta við greinina.