Búrúndí

Úr Wikipediu, frjálsa alfræðiritinu
Stökkva á: flakk, leita
Republika y'u Burundi
Fáni Búrúndí Skjaldamerki Búrúndí
(Fáni Búrúndí) (Skjaldarmerki Búrúndí)
Kjörorð: Unite, Travail, Progres
(franska: Eining, vinna, framfarir)
Þjóðsöngur: Burundi bwacu
Staðsetning Búrúndí
Höfuðborg Bújúmbúra
Opinbert tungumál kírúndí, franska og svahílí
Stjórnarfar Lýðveldi
Pierre Nkurunziza

Sjálfstæði

 

 - frá Belgíu 1. júlí, 1962 
Flatarmál
 • Samtals
 • Vatn (%)
145. sæti
27.834 km²
7,8
Mannfjöldi
 • Samtals (2012)
 • Þéttleiki byggðar
89. sæti
8.749.000
314,3/km²
VLF (KMJ)
 • Samtals
 • á mann
áætl. 2012
5,488 millj. dala (155. sæti)
625 dalir (185. sæti)
Gjaldmiðill búrúndískur franki
Tímabelti UTC+2
Þjóðarlén .bi
Landsnúmer 257

Búrúndí (áður Úrúndí) er lítið landlukt land í Mið-Afríku við stóru vötnin. Það á landamæriRúanda í norðri, Tansaníu í suðri og austri, og Lýðveldinu Kongó í vestri. Stór hluti vesturlandamæranna liggur við Tanganjikavatn. Nafnið er dregið af bantúmálinu kírúndi. Búrúndí er mjög þéttbýlt og fátækt land.

Landið hefur verið byggt tvem, hútúum og tútsum í minnst fjórar aldir. Undir lok 17. aldar var Konungsríkið Búrúndí stofnað af tútsum. Í upphafi 20. aldar lögðu Belgar og Þjóðverjar landið undir sig og Búrúndí varð hluti af nýlendunni Rúanda-Úrúndí. Árásir hútúa á tútsa í Rúanda rétt áður en löndin fengu sjálfstæði urðu til þess að íbúar Búrúndí sóttust eftir aðskilnaði frá Rúanda. Árið 1962 lýsti landið yfir sjálfstæði og þingbundin konungsstjórn tekin upp. Árið 1966 var konungsríkið afnumið og landið lýst lýðveldi, þótt það væri í raun undir herforingjastjórn. Vopnuð átök milli þjóðarbrota hútúa og tútsa hófust nokkrum árum síðar og skipulögð morð áttu sér reglulega stað þrátt fyrir harðar refsiaðgerðir stjórnvalda. Þegar stjórnarskránni var breytt 1992 til að afnema flokksræðið braust út borgarastyrjöld sem stóð frá 1993 til 2006.

Frá 2006 hefur staðið yfir enduruppbygging í landinu undir stjórn Sameinuðu þjóðanna. Hún hefur gengið hægt og efnahagur landsins er í rúst eftir áratugalanga styrjöld. Landið er eitt það fátækasta í heimi og yfir helmingur barna undir fimm ára aldri býr við viðvarandi vannæringu. Helsta tekjulind landsins er kaffi sem myndar yfir 93% af útflutningi þess, en íbúar Búrúndí flytja líka út aðrar landbúnaðarvörur og góðmálma.

  Þessi Afríkugrein er stubbur. Þú getur hjálpað til með því að bæta við greinina.