Fílabeinsströndin

Úr Wikipediu, frjálsa alfræðiritinu
Stökkva á: flakk, leita
République de Côte d'Ivoire
Fáni Fílabeinsstrandarinnar Skjaldamerki Fílabeinsstrandarinnar
(Fáni Fílabeinsstrandarinnar) (Skjaldarmerki Fílabeinsstrandarinnar)
Kjörorð: Union, Discipline, Travail
(franska: Eining, agi, vinna)
Þjóðsöngur: L'Abidjanaise
Staðsetning Fílabeinsstrandarinnar
Höfuðborg Yamoussoukro (opinber), Abidjan (í reynd)
Opinbert tungumál franska
Stjórnarfar Lýðveldi
Alassane Ouattara
Daniel Kablan Duncan

Sjálfstæði

 

 - Frá Frakklandi 7. ágúst 1960 
Flatarmál
 • Samtals
 • Vatn (%)
69. sæti
322.463 km²
1,4
Mannfjöldi
 • Samtals (2013)
 • Þéttleiki byggðar
53. sæti
22.400.835
63,9/km²
VLF (KMJ)
 • Samtals
 • á mann
áætl. 2012
40,348 millj. dala (97. sæti)
1.053 dalir (159. sæti)
Gjaldmiðill CFA-franki
Tímabelti UTC
Þjóðarlén .ci
Landsnúmer +225

Fílabeinsströndin er land í Vestur-Afríku með landamæriLíberíu og Gíneu í vestri, Malí og Búrkína Fasó í norðri og Gana í austri. Í suðri á landið strönd að Gíneuflóa. Landið er einn af stærstu útflytjendum kaffis, kakós og pálmaolíu í heimi.

Landið skiptist milli nokkurra konungsríkja, eins og Gyaaman, Kongveldisins og Baoulé, áður en það varð hluti af nýlenduveldi Frakka á 19. öld. Upphaflega gerðu Frakkar samninga við innfædda höfðingja um að landið yrði franskt verndarríki en 1893 varð það hluti af nýlendunni Frönsku Vestur-Afríku. Fyrsti forseti landsins eftir að það fékk sjálfstæði 1960 var Félix Houphouët-Boigny sem ríkti til 1993. Stjórn landsins var áfram í nánum stjórnmálatengslum við Frakka sem sendu þangað herlið þegar Fyrsta borgarastyrjöld Fílabeinsstrandarinnar braust út 2002 og eins þegar Önnur borgarastyrjöld Fílabeinsstrandarinnar braust út 2011.

Þótt Fílabeinsströndin sé lýðveldi liggja mikil völd hjá forsetanum. Borgin Yamoussoukro er de jure höfuðborg ríkisins en stærsta borgin er hafnarborgin Abidjan. Rúmlega þriðjungur íbúa er múslimar (aðallega súnnítar), um þriðjungur kristinn (aðallega kaþólikkar) og tæplega þriðjungur aðhyllist hefðbundin afrísk trúarbrögð. Fílabeinsströndin er fjölmenningarríki og í landinu eru töluð 65 tungumál. Stærsti einstaki hópurinn eru Akanar sem eru um 40% íbúa.

Héruð og umdæmi[breyta]

Fílabeinsströndin skipist í nítján héruð (régions):

Cote d'Ivoire.png
  1. Agnéby
  2. Bafing
  3. Bas-Sassandra
  4. Denguélé
  5. Dix-Huit Montagnes
  6. Fromager
  7. Haut-Sassandra
  8. Lacs
  9. Lagunes
  10. Marahoué
  1. Moyen-Cavally
  2. Moyen-Comoé
  3. N'zi-Comoé
  4. Savanes
  5. Sud-Bandama
  6. Sud-Comoé
  7. Vallée du Bandama
  8. Worodougou
  9. Zanzan

Héruðin skiptast síðan í 81 umdæmi.

Mannfjöldi í helstu borgum[breyta]

Opinber höfuðborg Fílabeinsstrandarinnar er Yamoussoukro með 295.500 íbúa. Hún er því fjórða stærsta borgin. Abidjan með 3.310.500 íbúa er langstærsta borg landsins og er auk þess miðstöð fjármála. Abidjan er jafnframt stærsta borg frönskumælandi Vestur-Afríku.

Borg Íbúafjöldi
Abidjan 3.310.500
Bouaké 775.300
Daloa 489.100
Yamoussoukro 295.500
Korhogo 163.400
San Pédro 151.600
Divo 134.200
Kort af Fílabeinsströndinni
Einkennismerki Wikiorðabókar
Wikiorðabókin er með skilgreiningu á orðinu
Wikimedia Commons er með margmiðlunarefni sem tengist


  Þessi Afríkugrein er stubbur. Þú getur hjálpað til með því að bæta við greinina.