Meistaradeild Evrópu
| Meistaradeild Evrópu |
|---|
| Stofnuð |
| 1955 |
| Heimsálfa |
| Evrópa |
| Fjöldi liða |
| 32 (Riðlakeppni) |
| Núverandi meistarar (2011-2012) |
 Chelsea |
| Úrslit 2012 haldin á |
Wembley London |
| Sigursælasta lið |
 Real Madrid(9 sinnum orðið meistarar) |
| Heimasíða |
| Meistaradeild Evrópu |
Meistaradeild Evrópu (enska: UEFA Champions League) er árleg keppni í knattspyrnu. Keppnina heldur Knattspyrnusamband Evrópu fyrir öll bestu lið Evrópu. Sigurvegarar keppninnar hljóta Evrópumeistaratitilinn, sem eru mjög virt verðlaun í knattspyrnuheiminum. Sigurvegarinn í keppninni fær þátttökurétt í Super Cup keppninni í Evrópu, sem og í heimsmeistarakeppni félagsliða. Meistaradeildinni var hleypt af stokkkunum 1955 og hét þá Evrópukeppni félagsliða, en 1992 var keppninni breytt í Meistaradeildina. Sigursælasta lið keppninnar er Real Madrid, sem hefur unnið níu sinnum (síðast 2002).
Efnisyfirlit |
Saga [breyta]
Keppni evrópskra knattspyrnuliða var ekki ný af nálinni. 1927 hófst Mitropabikarinn, en það var félagskeppni liða frá Austurríki, Ungverjalandi, Júgóslavíu, Tékkóslóvakíu, Ítalíu, Sviss og Rúmeníu. Hún lagði hins vegar upp laupana við upphaf heimstyrjaldarinnar síðari. Eftir stríð var önnur slík keppni í gangi, miklu minni þó, og hét hún Coupe Latine. Í henni kepptu meistaralið frá Ítalíu, Frakklandi, Spáni og Portúgal. Hugmyndir um nýja Evrópukeppni með meistaraliðum frá sem flestum löndum í Evrópu fæddust snemma á sjötta áratugnum með Gabriel Hanot, íþróttafréttamanni L‘Équipe og fyrrverandi frönskum landsliðsmanni. Skipulagning Hanots var gerð opinber í blaðinu í desember 1954 og hófst keppnin sjálf á haustmánuðum árið eftir. 16 lið voru þátttakendur í fyrstu keppninni. Ekki sáu þó öll lið sér fært að taka þátt. T.d. meinaði enska knattspyrnusambandið Chelsea þátttöku og var þá Gwardia Varsjá sent í staðin. Sigurvegari var Real Madrid sem sigraði franska liðið Stade Reims í úrslitaleik 4-3. Real Madrid vann keppnina reyndar 5 fyrstu skiptin, árangur sem ekkert annað lið hefur tekist að gera. Suðurevrópsk lið (frá Spáni, Ítalíu og Portúgal) sigruðu keppnina allt til 1966, en 1967 tókst Glasgow Celtic að sigra, fyrst breskra liða. Aðeins tvisvar hefur liði tekist að sigra keppnina þrisvar í röð (eftir hina stórkostlegu byrjun Real Madrid): Ajax 1971-73 og Bayern München 1974-76. Mesta sigurganga liða frá einu landi var 1977-82 en þá sigruðu Liverpool, Nottingham Forest og Aston Villa til skiptis sex sinnum í röð. Einn sorglegasti viðburður keppninnar var úrslitaleikurinn 1985 á Heyselvellinum í Brussel milli Juventus og Liverpool, en þá hrundi veggur og létust við það 39 manns. Afleiðingarnar voru þær að ensk lið voru útilokuð frá keppninni í fimm ár (Liverpool í sjö ár). Frá byrjun til ársins 1991 var fyrirkomulag keppninnar útsláttur, þ.e. heimaleikur og útileikur. Á leiktíðinni 91-92 var í fyrsta sinn komið upp riðlum, þ.e. í átta liða úrslitum var liðunum komið fyrir í tveimur riðlum. Sigurlið riðlanna komust í úrslitaleikinn. 1992 var keppninni breytt í Meistaradeild Evrópu. Fyrsta árið (92-93) var fyrirkomulag keppninnar eins og á síðasta ári, þ.e. útsláttur og tveir riðlar. En 1994 var í fyrsta sinn komið upp riðlakeppni strax í upphafi. 16 lið voru sett í fjóra riðla. Efstu tvö liðin í riðlunum komust í átta liða úrslit. Í leiktíðunum 96-97 og 97-98 var liðunum fjölgað í 24 og léku þau í 6 riðlum. Efstu liðin í riðlunum og þau bestu sem lentu í öðru sæti komust í átta liða úrslit. Leiktíðina 1999-2000 var keppninni enn breytt. Að þessu sinni fengu 32 lið þátttökurétt og voru þau skipuð í átta riðla. Tvö efstu lið riðlanna mynduðu svo fjóra nýja riðla. Tvö efstu liðin þar komust í átta liða úrslit. Liðið í þriðja sæti fer í Evrópudeild UEFA, en liðið í neðsta sæti fellur úr leik. Milliriðlarnir voru þó fljótt afnumdir, þannig að í dag hefst útsláttarkeppnin strax að lokinni fyrstu riðlakeppninni. Tólf af liðunum 32 voru meistarar í sínum eigin löndum, en þar að auki sex lið sem lentu í 2. sæti. Afgangurinn, 10 lið, vinna sér þátttökurétt með forkeppni.
Úrslitaleikir [breyta]
Tölfræði [breyta]
Sigurliðin [breyta]
Listi yfir öll sigurlið Meistaradeildarinnar frá upphafi.
| Röð | Sigurlið | Fj. sigra | Ár | 2. sætið |
|---|---|---|---|---|
| 1 | Real Madrid | 9 | 1956, 1957, 1958, 1959, 1960, 1966, 1998, 2000, 2002 | (3) 1962, 1964, 1981 |
| 2 | AC Milan | 7 | 1963, 1969, 1989, 1990, 1994, 2003, 2007 | (4) 1958, 1993, 1995, 2005 |
| 3 | Liverpool | 5 | 1977, 1978, 1981, 1984, 2005 | (2) 1985, 2007 |
| 4-6 | Bayern München | 4 | 1974, 1975, 1976, 2001 | (5) 1982, 1987, 1999, 2010, 2012 |
| Barcelona | 4 | 1992, 2006, 2009, 2011 | (3) 1961, 1986, 1994 | |
| Ajax | 4 | 1971, 1972, 1973, 1995 | (2) 1969, 1996 | |
| 7-8 | Inter Milan | 3 | 1964, 1965, 2010 | (2) 1967, 1972 |
| Manchester United | 3 | 1968, 1999, 2008 | (2) 2009, 2011 | |
| 9-12 | Benfica | 2 | 1961, 1962 | (5) 1963, 1965, 1968, 1988, 1990 |
| Juventus | 2 | 1985, 1996 | (5) 1973, 1983, 1997, 1998, 2003 | |
| Nottingham Forest | 2 | 1979, 1980 | (0) | |
| Porto | 2 | 1987, 2004 | (0) | |
| 12-22 | Glasgow Celtic | 1 | 1967 | (1) 1970 |
| Hamburg | 1 | 1983 | (1) 1980 | |
| Steaua Búkarest | 1 | 1986 | (1) 1989 | |
| Marseille | 1 | 1993 | (1) 1991 | |
| Chelsea | 1 | 2012 | (1) 2008 | |
| Feyenoord | 1 | 1970 | (0) | |
| Aston Villa | 1 | 1982 | (0) | |
| PSV Eindhoven | 1 | 1988 | (0) | |
| Rauða stjarnan Belgrad | 1 | 1991 | (0) | |
| Borussia Dortmund | 1 | 1997 | (0) |
Sigurlið eftir löndum [breyta]
| Röð | Sigurland | Sigrar | Fj. sigurliða | Hve oft í 2. sæti |
|---|---|---|---|---|
| 1 | Spánn | 13 | 2 | 9 |
| 2 | Ítalía | 12 | 3 | 14 |
| 3 | England | 12 | 5 | 7 |
| 4-5 | Þýskaland | 6 | 3 | 9 |
| 4-5 | Holland | 6 | 3 | 2 |
| 6 | Portúgal | 4 | 2 | 5 |
| 7-10 | Frakkland | 1 | 1 | 5 |
| Skotland | 1 | 1 | 1 | |
| Rúmenía | 1 | 1 | 0 | |
| Júgóslavía | 1 | 1 | 1 |
Leikjahæstu menn [breyta]
Listi leikjahæstu manna er frá 7. desember 2012. Hér er átt við leiki á öllum stigum keppninnar. Nokkrir leikmenn eru enn virkir og því breytist listinn frá tíma til tíma.
| Röð | Leikmaður | Leikir | Tímabil |
|---|---|---|---|
| 1 | Raúl | 144 | 1995-2011 |
| 2 | Ryan Giggs | 142 | Síðan 1993 |
| 3 | Paolo Maldini | 140 | 1998-2008 |
| 4-5 | Clarence Seedorf | 131 | Síðan 1994 |
| Xavi | 131 | Síðan 1998 | |
| 6 | Paul Scholes | 130 | Síðan 1994 |
| 7 | Iker Casillas 1) | 129 | Síðan 1999 |
| 8 | Roberto Carlos | 128 | 1997-2008 |
| 9 | Carlos Puyol | 117 | Síðan 1999 |
| 10 | Andrei Sjevtsjenko | 116 | 1994-2009 |
| 11-12 | Thierry Henry | 115 | Síðan 1997 |
| Gary Neville | 115 | 1993-2010 | |
| 13 | David Beckham | 111 | Síðan 1994 |
| 14-16 | Luís Figo | 107 | 1997-2009 |
| Oliver Kahn 1) | 107 | 1994-2007 | |
| Roar Strand | 107 | 1989-2010 |
1) Markvörður
Markahæstu menn [breyta]
Markahæstu leikmenn á öllum stigum Meistaradeildarinnar. Listinn er frá 7. desember 2012. Nokkrir leikmenn eru enn virkir og því breytist listinn frá tíma til tíma.
| Röð | Leikmaður | Mörk | Leikir | Tímabil |
|---|---|---|---|---|
| 1 | Raúl | 71 | 144 | 1995-2011 |
| 2 | Ruud van Nistelrooy | 60 | 81 | 1998-2009 |
| 3 | Andrei Sjevtsjenko | 59 | 116 | 1994-2009 |
| 4 | Lionel Messi | 56 | 74 | Síðan 2004 |
| 5 | Thierry Henry | 51 | 115 | Síðan 1997 |
| 6 | Filippo Inzaghi | 50 | 85 | 1995-2010 |
| 7 | Alfredo di Stefano | 49 | 58 | 1955-1964 |
| 8 | Eusébio | 46 | 64 | 1961-1974 |
| 9 | Cristiano Ronaldo | 45 | 90 | Síðan 2003 |
| 10 | Alessandro del Piero | 42 | 92 | 1993-2009 |
| 11 | Didier Drogba | 39 | 77 | Síðan 2003 |
| 12 | Fernando Morientes | 39 | 104 | 1997-2009 |
| 13 | Ferenc Puskás | 36 | 41 | 1956-1966 |
| 14 | Gerd Müller | 35 | 35 | 1969-1977 |
| 15 | David Trezeguet | 32 | 61 | 1997-2009 |
Heimildir [breyta]
- UEFA-COEFFICIENTS.COM - Country Ranking and Champions League Statistics
- Greinin „UEFA Champions League“ á ensku wikipedia.
