Teitur Örlygsson

Teitur Örlygsson

Persónulegar upplýsingar
Fæðingardagur	9. janúar 1967 (1967-01-09) Keflavík, Ísland
Hæð	213 cm (7 ft 0 in)
Þyngd	116 kg (256 lb)
Körfuboltaferill
Landslið	Ísland (118 leikir)
Leikstaða	Framherji
Liðsferill
Sem leikmaður:
1984–1996	Njarðvík
1996–1997	Olympia Larissa
1997–2003	Njarðvík
Sem þjálfari:
1992–1993	Njarðvík
2000–2001	Njarðvík
2007–2008	Njarðvík
2008–2014	Stjarnan
2014–2016	Njarðvík (Aðstoðarþ.)

Teitur Örlygsson (f. 9. janúar 1967) er einn sigursælasti körfuknattleiksmaður Íslands frá upphafi. Á árunum 1984-2002 vann hann tíu titla með liði sínu, UMFN.

Teitur lék allan sinn feril með liði UMFN, ef undan er skilinn veturinn 1996-1997, en þá lék hann með Larissa í Grikklandi. Hann lék samtals 405 deildarleiki og skoraði í þeim 6.579 stig, eða 16,2 stig að meðaltali í leik. Mest skoraði hann 21,2 stig að meðaltali, veturinn 1995-1996.

Teitur er handhafi flestra Íslandsmeistaratitla í úrvalsdeildinni í körfuknattleik, en Agnar Friðriksson, ÍR, vann einnig tíu titla í 1. deild karla, forvera úrvalsdeildarinnar, á árunum 1962-1977.

Titillinn Leikmaður ársins í úrvalsdeild hefur fallið Teiti í skaut fjórum sinnum á ferlinum (1989, 1992, 1996 og 2000), og er hann efstur á þeim lista. Hann var einnig valinn 11 sinnum í úrvalslið úrvalsdeildar, og verður að teljast ólíklegt að nokkur nái að skáka honum þar. Þá var Teitur kjörinn í lið 20. aldarinnar, sem tilkynnt var snemma árs 2001, sem byrjunarliðsmaður.

Tenglar

• Tölfræði úr Úrvalsdeild á Körfustatt.is
• Ferill Teits í Grikklandi Geymt 10 mars 2007 í Wayback Machine

  Þetta æviágrip sem tengist körfuknattleik er stubbur. Þú getur hjálpað til með því að bæta við greinina.