Suður-Ameríkukeppni karla í knattspyrnu 1921

Suður-Ameríkukeppni karla í knattspyrnu 1921

Upplýsingar móts
Mótshaldari	Argentína
Dagsetningar	2. til 30. október
Lið	4
Leikvangar	1
Sætaröðun
Meistarar	Argentína (1. titill)
Í öðru sæti	Brasilía
Í þriðja sæti	Úrúgvæ
Í fjórða sæti	Paragvæ
Tournament statistics
Leikir spilaðir	6
Mörk skoruð	14 (2,33 á leik)
Markahæsti maður	Julio Libonatti (3 mörk)

Suður-Ameríkukeppni karla í knattspyrnu 1921 var fimmsta Suður-Ameríkukeppnin í knattspyrnu. Hún var haldin í Buenos Aires í Argentínu dagana 2. til 30. október. Keppnisliðin fjögur mættu hvert öðru í einfaldri umferð. Heimamenn urðu meistarar í fyrsta sinn og unnu alla sína leiki.

Leikvangurinn

Buenos Aires
Estadio Sportivo Barracas
Fjöldi sæta: 30.000

Sagan

Keppnin fór fram í skugga harðra deilna milli Argentínska knattspyrnusambandins og nýstofnaðs Knattspyrnusambands argentínskra áhugamanna sem hafði á að skipa flestum sterkustu félagsliðum landsins öðrum en Boca Juniors. Síðarnefndu samtökin höfðu fengið boð frá Knattspyrnusambandi Síle um að senda úrvalslið á mót þar í landi. Boðið var hrein ögrun í garð Argentínska knattspyrnusambandsins sem krafðist þess af álfusambandinu CONMEBOL að Sílemönnum yrði harðlega refsað.

Eftir mikið þóf varð niðurstaðan sú að Síle þurfti ekki að sæta refsingu en lið þeirra tók ekki þátt í keppninni í Argentínu. Það sama gilti um aðildarfélög Knattspyrnusambands áhugamanna sem stofnað höfðu til sinnar eigin deildarkeppni sem fór fram samhliða mótinu, til að mynda var heil umferð í deildinni sett niður sama dag og úrslitaleikur mótsins.

Þrátt fyrir andstöðu stórs hóps argentínska knattspyrnusamfélagsins sló mótið í gegn og fjöldi áhorfenda mætti á leikina. Ríkjandi meistarar Brasilíu mættu til leiks með mun lakara lið en árið áður, en að kröfu forseta landsins höfðu þeldökkir leikmenn verið bannaðir í liðinu, þar á meðal skærasta stjarnan Arthur Friedenreich.

Óvænt tap Úrúgvæ gegn nýliðum Paragvæ gerði það að verkum að úrúgvæska liðið varð að vinna heimamenn í lokaleiknum til að knýja fram oddaleik. Leiknum lauk með sigri Argentínu og að leik loknum ruddust áhorfendur inn á völlinn og báru leikmenn beggja liða á gullstól. Sigurinn gerði það að verkum að argentínska þjóðin tók ástfóstri við landsliðið, en liðin sem sniðgengið höfðu keppnina urðu fyrir hörðu ámæli.

Keppnin

Sæti		Lið	L	U	J	T	Sk	Fe	Mm	Stig
1		Argnetína	3	3	0	0	5	0	+5	6
2		Brasilía	3	1	0	2	4	3	+1	2
3		Úrúgvæ	3	1	0	2	3	4	-1	2
4		Paragvæ	3	1	0	2	2	7	-5	2

2. október
	Argentína	1-0	Brasilía	Áhorfendur: 30.000 Dómari: Ricardo Vallarino, Úrúgvæ
	Libonatti 27

9. október
	Paragvæ	2-1	Úrúgvæ	Dómari: Gerónimo Rapossi, Argentínu
	Rivas 9, López 66		Piendibene, 83

12. október
	Brasilía	3-0	Paragvæ	Dómari: Ricardo Vallarino, Úrúgvæ
	Machado 21, 44, Candiota 46

16. október
	Argentína	3-0	Paragvæ	Dómari: Ricardo Vallarino, Úrúgvæ
	Libonatti 1, Saruppo 71, Echeverría, 76

23. október
	Úrúgvæ	2-1	Brasilía	Dómari: Víctor Cabañas Saguier, Paragvæ
	Romano 1, 8		Zezé 53

30. október
	Argentína	1-0	Úrúgvæ	Áhorfendur: 40.000 Dómari: Pedro Santos, Brasilíu
	Libonatti 57

Markahæstu leikmenn

3 mörk

• Julio Libonatti

2 mörk

• Machado
• Ángel Romano

Heimildir

• RSSSF, Suður-Ameríkukeppnin 1921 úrslitagrunnur
• Fyrirmynd greinarinnar var „1921 South American Championship“ á ensku útgáfu Wikipedia. Sótt 20. desember 2023.