Sebastián Piñera

Úr Wikipediu, frjálsa alfræðiritinu
Jump to navigation Jump to search
Sebastián Piñera
Retrato Oficial Presidente Piñera 2018.jpg
Forseti Síle
Núverandi
Tók við embætti
11. mars 2018
Í embætti
11. mars 2010 – 11. mars 2014
Persónulegar upplýsingar
Fæddur1. desember 1949 (1949-12-01) (69 ára)
Santíagó, Síle
ÞjóðerniSíleskur
StjórnmálaflokkurRenovación Nacional
MakiCecilia Morel (g. 1973)
Börn4
HáskóliPontificia Universidad Católica de Chile
Harvard-háskóli
Undirskrift

Miguel Juan Sebastián Piñera Echenique (f. 1. desember 1949) er síleskur stjórnmálamaður sem hefur verið forseti Síle frá árinu 2018. Hann var áður forseti Síle frá 2010 til 2014.

Piñera er sonur stjórnmálamanns úr síleska Kristilega demókrataflokknum og er menntaður í viðskiptaverkfræði og hagfræði. Árið 2019 mat Forbes eignir Piñera upp á andvirði um 2,8 milljóna Bandaríkjadala. Samkvæmt því er Piñera einn ríkasti maður Síle.[1][2] Piñera er fyrsti hægrisinnaði forseti Síle frá endalokum einræðisstjórnar Augusto Pinochet árið 1990[3] og fyrsti hægrimaðurinn til að ná lýðræðislegu kjöri á forsetastól landsins frá árinu 1958.[4]

Í október árið 2019 brutust út fjöldamótmæli gegn stjórn Piñera í Santíagó. Mótmælin beindust í upphafi gegn verðhækkun á lestarmiðum en tóku fljótt á sig breiðari mynd með kröfum mótmælenda um bættar almenningsþjónustur og bætt lífsskilyrði. Piñera lýsti yfir neyðarástandi og lét senda síleska herinn á vettvang til að hafa hemil á mótmælendunum. Var þetta í fyrsta sinn sem herinn var kallaður út á götur Síle frá falli einræðisstjórnarinnar.[5] Þann 22. október höfðu að minnsta kosti 15 mótmælendur látið lífið í átökum við hermenn.[6] Piñera hefur reynt að miðla málum, meðal annars með því að draga verðhækkunina til baka og lýsa yfir hækkun á lágmarkslaunum í landinu[7] en tillögur hans hafa ekki nægt til að sefa mótmælendurna. Þann 26. október mótmæltu um milljón manns í Santíagó Piñera og voru þetta talin fjölmennustu mótmæli í sögu landsins.[8]

Tilvísanir[breyta | breyta frumkóða]

  1. „Sebastian Piñera“. Forbes (enska). Sótt 23. október 2019.
  2. Araneda, Juan-Carlos (6. mars 2018). „Ranking de multimillonarios Forbes: ¿Quiénes son los 11 chilenos que figuran en la lista 2018?“ (spænska). El Mercurio. Sótt 23. október 2019.
  3. Araneda, Juan-Carlos 4. júlí 2002, „Hitos de la vida pública de Pinochet". El Mercurio. (spænska) Skoðað 26. október 2019.
  4. Covarrubias, Bárbara 1. janúar 2010, „Piñera firma acta que lo proclama como Presidente de la República". El Mercurio. (spænska) Skoðað 26. október 2019.
  5. Ævar Örn Jósepsson (20. október 2019). „Mótmæli, óeirðir, neyðarástand og útgöngubann“. RÚV. Sótt 26. október 2019.
  6. Kristján Róbert Kristjánsson (22. október 2019). „Fimmtán hafa látist í Chile“. RÚV. Sótt 26. október 2019.
  7. Róbert Jóhannsson (23. október 2019). „Forseti Chile reynir að miðla málum“. RÚV. Sótt 26. október 2019.
  8. Róbert Jóhannsson (26. október 2019). „Milljón mótmæltu forseta Chile“. RÚV. Sótt 26. október 2019.


Fyrirrennari:
Michelle Bachelet
Forseti Síle
(11. mars 201011. mars 2014)
Eftirmaður:
Michelle Bachelet
Fyrirrennari:
Michelle Bachelet
Forseti Síle
(11. mars 2018 – )
Eftirmaður:
Enn í embætti