Seattle höfðingi
Seattle höfðingi eða Noah Sealth (fæddur um 1780; dáinn 7. júní 1866) var leiðtogi frumbyggjaættbálkanna Suquamish og Duwamish[1] á svæði sem nú er við Puget-sund í Washington-fylki Bandaríkjanna. Borgin Seattle heitir eftir honum. Hann var þekktur stríðsmaður og ræðumaður og hélt þekkta ræðu um umhverfisvernd árið 1854 sem oft er vitnað í, þótt hún hafi aðeins varðveist sem endurgerð út frá skrifuðum nótum landnemans Henry A. Smith yfir 30 árum síðar.[2] Franskir trúboðar voru sagðir hafa snúið Seattle til kaþólskrar trúar og skírðu hann Noah. Seattle myndaði samband við bandaríska lækninn og frumkvöðulinn Doc Maynard og vegna þess komust á friðsamleg tengsl milli frumbyggjaættbálkanna og hvítra landnema.
Í dægurmenningu
[breyta | breyta frumkóða]Gruggsveitin Soundgarden frá Seattle setti inn texta úr ræðu Seattle höfðingja í ábreiðu sinni á Black Sabbath-laginu „Into the Void“.
Heimild
[breyta | breyta frumkóða]- ↑ „Chief Si'ahl and His Family“. Culture and History. Duwamish Tribe. Afrit af upprunalegu geymt þann 13 febrúar 2009. Sótt 24. september 2009.
- ↑ Crowley, Walt (28 júní 1999). „Chief Seattle's Speech“. HistoryLink. Sótt 1 júlí 2007.
Þessi stjórnmálagrein sem tengist Bandaríkjunum er stubbur. Þú getur hjálpað til með því að bæta við greinina.