Sable

Úr Wikipediu, frjálsa alfræðiritinu
Stökkva á: flakk, leita
Sable

Sable eyja - Tekin úr geimskutlu NASA
Land Kanada Kanada
Fylki Fáni Nova Scotia Nova Scotia
Svæði 13
Stofnað 1521
Haf Atlantshaf
Staðsetning 43°55′53.3″N 59°55′47″V / 43.931472°N 59.92972°V / 43.931472; -59.92972
Lengd 42 km
Breidd 1,5 km
Flatarmál 34 km²
Hæð 40 m
Íbúar 5 manns
Þéttleiki byggðar 0,14 manns/km²

Sable eyja (Franska: île de Sable) er lítil kanadísk eyja og er 180 km í suðaustur frá Nova Scotia. Eyjan er skeifulaga sandrif sem eru leifar framskriðs jökla á landgrunni Norður-Ameríku. Eyjan er um 34 km² að flatarmáli. Lengd hennar er um 42 km en breiddin 1.5 km þar sem hún er breiðust.

Eyjan er þekkt fyrir hestakyn sem kennt er við eyna. Fyrstu hestarnir voru settir á land á Sable-eyju á 18. öld og hefur fjöldi þeirra í seinni tíð verið á bilinu 200 - 350 talsins. Þeir voru friðaðir árið 1960 fyrir afskiptum manna.

Á eynni kæpir landselur og útselur. Ýmsar hákarlategundir finnast við Sable, þar á meðal Hvíti hákarlinn. Nokkrar fuglategundir finnast á eynni og má nefna gresjutittling en undirtegund hans verpir eingöngu á Sable. Flækingar eru algengir. Tegund ferskvatnssvampdýrs (Heteromeyenia macouni) finnst í tjörnum á eynni.

Frá árinu 1583 hafa um 350 skipsskaðar orðið við eyna. Árið 1801 var sett mönnuð björgunarstöð á Sable sem starfrækt var til ársins 1958. Á eynni eru tveir vitar.

Heimildir[breyta]

Tenglar[breyta]

Wikimedia Commons er með margmiðlunarefni sem tengist