Niðurlönd

Mynd af niðurlöndum tekin af gervihnetti NASA

Niðurlönd (hollenska: de Nederlanden eða de Lage Landen, franska: les Pays-Bas) er heiti sem notað var áður á þau ríki sem liggja á láglendinu umhverfis árósa ánna Rínar, Scheld og Meuse þar sem þær renna út í Norðursjó. Svæðið samsvarar að mestu leyti Hollandi, Belgíu og Lúxemborg, en algengara er að nota hugtakið Benelúxlöndin um þau saman.

Sögulega hefur hugtakið Niðurlönd verið notað um ýmis ríki á þessu svæði, svo sem Spænsku Niðurlönd (1581-1713) og Konungsríkið Niðurlönd (1815-1830). Í ensku er hugtakið the Netherlands og í þýsku die Niederlande notað sem heiti á Hollandi, þar sem hið eiginlega Holland er í raun aðeins tvær sýslur í Hollandi. Í hollensku er hins vegar notað eintöluformið Nederland yfir Holland en fleirtöluformið de Nederlanden yfir hin sögulegu Niðurlönd. Í frönsku er heitið les Pays-Bas notað yfir bæði Holland og Niðurlöndin.