Milton Obote

Milton Obote
Obote árið 1962.
Forseti Úganda
Í embætti 17. desember 1980 – 27. júlí 1985
Varaforseti	Paulo Muwanga
Forveri	Forsætisnefnd Úganda
Eftirmaður	Bazilio Olara-Okello
Í embætti 15. apríl 1966 – 25. janúar 1971
Varaforseti	John Babiiha
Forveri	Edward Mutesa
Eftirmaður	Idi Amin
Forsætisráðherra Úganda
Í embætti 30. apríl 1962 – 15. apríl 1966
Þjóðhöfðingi	Elísabet 2. (til 1963)
Forseti	Edward Mutesa (frá 1963)
Forveri	Benedicto Kiwanuka
Eftirmaður	Embætti lagt niður
Persónulegar upplýsingar
Fæddur	28. desember 1925 Akokoro, Apac-sýslu, Úganda-verndarsvæðinu
Látinn	10. október 2005 (79 ára) Jóhannesarborg, Suður-Afríka
Stjórnmálaflokkur	Alþýðuráð Úganda
Maki	Miria Obote
Börn	5

Milton Obote (28. desember 1925 – 10. október 2005) var stjórnmálamaður frá Úganda. Hann var forsætisráðherra frá því landið fékk sjálfstæði frá Bretum 1962 til 1966 þegar hann skipaði sjálfan sig forseta. Fyrri forseti, Edward Mutesa, flúði til Bretlands. Obote afnam stjórnarskrána og breytti stjórnarfari í forsetaræði. Fyrrum samherji hans, herforinginn Idi Amin, framdi valdarán þegar hann var á ráðstefnu í Singapúr árið 1971. Obote fékk hæli í Tansaníu. Hann komst aftur til valda eftir að Tansaníuher steypti Idi Amin af stóli árið 1980. Flokkur Obotes sigraði kosningar sem fylgdu í kjölfarið en ásakanir um kosningasvindl leiddu til skæruhernaðar stjórnarandstæðinga undir forystu Yoweri Museveni. Árið 1985 var Obote aftur steypt af stóli af herforingjum sínum og eftir nokkurra mánaða átök náði Museveni völdum. Amnesty International áætlaði í júlí 1985 að stjórn Obotes bæri ábyrgð á dauða yfir 300.000 almennra borgara í Úganda.

Eftir valdaránið flúði Obote til Tansaníu og þaðan til Sambíu. Hann lést á sjúkrahúsi í Jóhannesarborg.

Tilvísanir

  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.