Lappjaðrakan

Úr Wikipediu, frjálsa alfræðiritinu
Jump to navigation Jump to search
Lappjaðrakan
Bar-Tailed Godwit on Tundra.jpg
Ástand stofns
Vísindaleg flokkun
Ríki: Dýraríki (Animalia)
Fylking: Seildýr (Chordata)
Flokkur: Fuglar (Aves)
Ættbálkur: Strandfuglar (Charadriiformes)
Ætt: Snípuætt (Scolopacidae)
Ættkvísl: Jaðrakanar (Limosa)
Tegund: L. lapponica
Tvínefni
Limosa lapponica
(Linnaeus, 1758)

Lappjaðrakan (fræðiheiti Limosa lapponica) er stór vaðfugl af snípuætt sem verpir á ströndum heimskautasvæða og túndrum en hefur vetursetu á suðlægri slóðum. Lengsta samfellda flug farfugls sem skráð hefur verið er flug lappjaðrakans frá Alaska til Nýja-Sjálands en það flug var 11680 km. Lappjaðrakan þekkist frá jaðrakan af því að stélið er rákað en ekki eingöngu svart og hann hefur ekki hvíta rák á vængjum.

Lappjaðrakan er farfugl í Ástralíu en verpir þar ekki. Hann verpir í Skandínavíu, Norður-Asíu og Alaska. Hreiðrið er grunn dæld sem stundum er fóðrað með gróðri. Karl- og kvenfugl skiptast á að sitja á eggjum og hugsa um unga.

Flugleiðir lappjaðrakana sem fylgst var með úr gervitungli norður frá Nýja-Sjálandi
Limosa lapponica

Lappjaðrakan flýgur í hópum til strandsvæða í Vestur-Evrópu, Afríku, Suður-Asíu, Ástralíu og Nýja-Sjálands. Árið 2007 var fylgst með flugi lappjaðrakana frá Nýja-Sjálandi til Gulahafsins í Kína en milli þessara staða eru 9575 km. Einn fuglinn flaug 11026 km í einni lotu og tók flugið níu daga. Að minnsta kosti þrír aðrir lappjaðrakanar fóru þetta flug líka í einni lotu. Einn kvenfugl flaug frá Kína til Alaska og var þar yfir varptímann og þann 29. ágúst 2007 lagði fuglinn af stað frá Avinof skaganum í vesturhluta Alaska til Piako árínnar í Nýja Sjálandi og setti þar með flugmet 11680 km í einu flugi.[2]

Tilvísanir[breyta | breyta frumkóða]

  1. BirdLife International 2017. Limosa lapponica (amended version of 2016 assessment). The IUCN Red List of Threatened Species 2017: e.T22693158A111221714. Sótt 6. febrúar 2019.
  2. Gill RE, Tibbitts TL, Douglas DC, Handel CM, Mulcahy DM, Gottschalck JC, Warnock N, McCaffery BJ, Battley PF, Piersma T. (2009) Extreme endurance flights by landbirds crossing the Pacific Ocean: ecological corridor rather than barrier? Proc Biol Sci.276(1656):447-57. PDF

Heimild[breyta | breyta frumkóða]

Wikimedia Commons er með margmiðlunarefni sem tengist