Snæfellsnes

Kort af Snæfellsnesi

Snæfellsnes frá Barðaströnd.

Bjarnafoss við Kálfárvelli á Snæfellsnesi

Snæfellsnes, nálægt Búðum um 1900.

Snæfellsnes er langt nes á Vesturlandi á milli Faxaflóa að sunnan og Breiðafjarðar að norðan. Fjallgarður liggur eftir nesinu endilöngu en hæsta fjallið á nesinu er Snæfellsjökull (1446 m) sem er eldkeila. Snæfellsjökull er frægur fyrir meinta dulræna krafta sem í honum eru sagðir búa og fyrir að vera upphafsstaður ævintýra söguhetjanna í bókinni Leyndardómar Snæfellsjökuls eftir Jules Verne.

Byggð er nokkur meðfram ströndum nessins og nokkrir þéttbýliskjarnar á norðurströnd þess, þeir eru Stykkishólmur, Grundarfjörður, Ólafsvík, Rif og Hellissandur, talið frá austri til vesturs, en allt eru þetta þorp og bæir sem byggja afkomu sína að mestu á sjávarútvegi. Að sunnanverðu eru tveir smábæir, Arnarstapi og Hellnar. Vestan á nesinu var á árum áður útróðrarstöð í Dritvík og svo þorpið Beruvík, sem hefur verið í eyði í marga áratugi.

Tenglar

• Þjóðgarðurinn Snæfellsjökull
• „Hversu stór hluti Snæfellsness er þakinn gróðri? Hvers konar gróður vex þar helst?“. Vísindavefurinn.