Jules Verne
 Jules Verne u.þ.b. 1878. | |
| Fæddur: | 8. febrúar 1828 Nantes, Bretagne, Frakklandi |
|---|---|
| Látinn: | 24. mars 1905 (77 ára) Amiens, Picardie, Frakklandi |
| Starf/staða: | Rithöfundur |
| Þjóðerni: | Franskur |
| Virkur: | 1850-1905 |
| Umfangsefni: | Vísindaskáldskapur |
| Bókmenntastefna: | Rómantíkin, nýrómantík |
| Þekktasta verk: | |
| Maki/ar: | Honorine Anne Hébée du Fraysne de Viane (g. 1857) |
| Undirskrift: |  |
Jules Gabriel Verne (8. febrúar 1828 – 24. mars 1905) var franskur rithöfundur, skáld, leikskáld og brautryðjandi á sviði vísindaskáldsagna.
Samstarf Verne og útgefandans Pierre-Jules Hetzel leiddi til útgáfu gríðarvinsællar bókaraðar um „ótrúlegu ferðirnar“ (Voyages extraordinaires), yfir 50 skáldsagna um ímyndaða könnunarleiðangra. Meðal þekktustu sagnanna í þessum flokki eru Leyndardómar Snæfellsjökuls (1864), Tunglflaugin (1865), Sæfarinn: Ferðin kring um hnöttinn neðansjávar (1870) og Umhverfis jörðina á 80 dögum (1873).
Verne er einn af þekktustu rithöfundum heims og verk hans höfðu mikil áhrif á framúrstefnuhöfunda 20. aldar í Frakklandi. Í hinum enskumælandi heimi var hins vegar lengi litið á hann sem höfund barnabóka eða furðusagna af því þýðingar á verkum hans komu oft út í styttum útgáfum.
Frá 1979 hefur Verne verið í öðru sæti yfir mest þýddu höfunda heims, á eftir Agöthu Christie. Hann hefur stundum verið nefndur „faðir vísindaskáldsögunnar“ ásamt H. G. Wells og Hugo Gernsback.
Tengill
[breyta | breyta frumkóða]- Verk eftir Jules Verne hjá Project Gutenberg
- „Jules Verne forspár um tækni 20. aldar“. Morgunblaðið. 9. október 1994. bls. 6–7.
