Faxaflói
Faxaflói er flói undan Vesturlandi á milli Snæfellsness í norðri og Suðurnesja í suðri. Helstu firðir sem ganga út úr flóanum eru Borgarfjörður, Hvalfjörður, Kollafjörður og Hafnarfjörður.
Við Faxaflóa standa nokkur af stærstu byggðarlögum landsins og höfuðborgarsvæðið er á suðausturströnd flóans.
Í Faxaflóa eru mikilvæg fiskimið.
Heiti
[breyta | breyta frumkóða]Í sögunni um Hrafna-Flóka í Landnámu er sagt að flóinn hafi verið nefndur eftir förunaut Flóka sem nefndist Faxi, og kallaður „Faxaós“.[1][2] Önnur nöfn í eldri heimildum eru „Faxafjörður“ og „Faxabugt“. Heitið „Faxaflói“ er talið tiltölulega nýlegt.[3]
Tilvísanir
[breyta | breyta frumkóða]- ↑ Flóki hafði hrafna þrjá með sér í haf, og er hann lét lausan hinn fyrsta, fló sá aftur um stafn; annar fló í loft upp og aftur til skips; hinn þriðji fló fram um stafn í þá átt, sem þeir fundu landið. Þeir komu austan að Horni og sigldu fyrir sunnan landið. En er þeir sigldu vestur um Reykjanes og upp lauk firðinum, svo að þeir sáu Snæfellsnes, þá ræddi Faxi um: "Þetta mun vera mikið land, er vér höfum fundið; hér eru vatnföll stór". Síðan er það kallaður Faxaóss. (Landnáma)
- ↑ Gunnar Karlsson (16.9.2013). „Var Hrafna-Flóki til í alvöru?“. Vísindavefurinn.
- ↑ Svavar Sigmundsson (15.6.2004). „Svör við fyrirspurnum um örnefni“. Árnastofnun.
Þessi Íslandsgrein sem tengist landafræði er stubbur. Þú getur hjálpað til með því að bæta við greinina.