Katalin Novák
| Katalin Novák | |
|---|---|
.jpg) Katalin Novák árið 2017. | |
| Forseti Ungverjalands | |
Núverandi | |
| Tók við embætti 10. maí 2022 | |
| Forsætisráðherra | Viktor Orbán |
| Forveri | János Áder |
| Persónulegar upplýsingar | |
| Fædd | 6. september 1977 Szeged, Ungverjalandi |
| Stjórnmálaflokkur | Fidesz |
| Maki | István Attila Veres |
| Börn | 3 |
| Háskóli | Corvinus-háskólinn í Búdapest (MSc) Háskólinn í Szeged (J.D.) |
| Starf | Stjórnmálamaður |
Katalin Éva Novák[1] (f. 6. september 1977) er ungversk stjórnmálakona og núverandi forseti Ungverjalands. Hún var kjörin árið 2022 og er bæði fyrsti kvenforseti landsins og yngsti forseti í sögu Ungverjalands. Novák er meðlimur í íhaldsflokknum Fidesz og sat á ungverska þinginu frá 2018 til 2022. Hún var jafnframt fjölskyldumálaráðherra í fjórðu ríkisstjórn Viktors Orbán frá 2020 til 2021.
Menntun[breyta | breyta frumkóða]
Novák lauk gagnfræðanámi við Ságvári Endre-gagnfræðiskólann árið 1996 og nam síðan hagfræði við Corvinus-háskólann í Búdapest og lögfræði við Háskólann í Szeged. Á námsárum sínum gekk hún einnig í París Nanterre-háskóla. Auk ungversku talar Novák frönsku, ensku og þýsku.[2]
Ferill[breyta | breyta frumkóða]
Novák hóf störf við ungverska utanríkisráðuneytið árið 2001 og sérhæfði sig í málefnum Evrópu og Evrópusambandsins. Árið 2010 varð hún ráðherraráðgjafi og árið 2012 var hún útnefnd ráðuneytisstjóri mannauðsráðuneytisins.[2]
Árið 2014 varð Novák ríkisritari í fjölskyldu- og ungmennamálum við mannauðsráðuneytið. Hún varð fjölskyldumálaráðherra í október 2020 og hélt því ráðuneyti til desember 2021.
Novák var varaforseti Fidesz frá 2017 til 2021.[3]
Þann 21. desember 2021 tilkynnti Viktor Orbán forsætisráðherra að hann hygðist tilnefna Novák til embættis forseta Ungverjalands í forsetakosningum landsins árið 2022.[4] Þann 10. mars 2022 vann Novák með 137 af 188 atkvæðum á ungverska þinginu.[5]
Einkahagir[breyta | breyta frumkóða]
Katalin Novák er gift og á þrjú börn. Eiginmaður hennar er hagfræðingurinn István Veres, framkvæmdastjóri fjármálamarkaðar og gjaldeyrismarkaðsstofnunar Landsbanka Ungverjalands.[6] Hún er meðlimur í ungversku mótmælendakirkjunni.[7]
Tilvísanir[breyta | breyta frumkóða]
- ↑ „EMMI vezetők elérhetősége“ (PDF). Magyarország Kormánya (ungverska). bls. 8. Afrit (PDF) af uppruna á 26. maí 2021. Sótt 20. mars 2021.
- ↑ 2,0 2,1 „Biography“ (PDF). Parliament. Afrit (PDF) af uppruna á 30. september 2021. Sótt 29. júlí 2018.
- ↑ Csuhaj, Ildikó (5. október 2021). „Novák Katalin bejelentette: Nem indul a Fidesz alelnöki posztjáért“. ATV (ungverska). Afrit af uppruna á 14. maí 2022. Sótt 10. mars 2022.
- ↑ Tóth-Szenesi, Attila (21. desember 2021). „Novák Katalin lesz a Fidesz államfőjelöltje“. Telex (ungverska). Afrit af uppruna á 22. desember 2021. Sótt 21. desember 2021.
- ↑ „'Nejdůležitější jsou pro mě rodiny a děti.' Maďarsko má novou prezidentku Katalin Novákovou“. iROZHLAS (tékkneska). Afrit af uppruna á 21. apríl 2022. Sótt 10. mars 2022.
- ↑ „The President's husband – Hungary gets its first ever first gentleman“. Telex.hu. 12. maí 2022. Afrit af uppruna á 12. maí 2022. Sótt 12. maí 2022.
- ↑ „Curriculum Vitae | Köztársaság“.
| Fyrirrennari: János Áder |
|
Eftirmaður: Enn í embætti | |||
Þjóðhöfðingjar aðildarríkja Evrópusambandsins | |
|---|---|
