Ilham Aliyev
| Ilham Aliyev İlham Əliyev | |
|---|---|
 | |
| Forseti Aserbaísjans | |
Núverandi | |
| Tók við embætti 31. október 2003 | |
| Forsætisráðherra | Artur Rasizade Novruz Mammadov Ali Asadov |
| Varaforseti | Mehriban Aliyeva |
| Forveri | Heydar Aliyev |
| Forsætisráðherra Aserbaísjans | |
| Í embætti 4. ágúst 2003 – 31. október 2003 | |
| Forseti | Heydar Aliyev |
| Forveri | Artur Rasizade |
| Eftirmaður | Artur Rasizade |
| Persónulegar upplýsingar | |
| Fæddur | 24. desember 1961 Bakú, aserska sovétlýðveldinu, Sovétríkjunum (nú Aserbaísjan) |
| Þjóðerni | Aserskur |
| Stjórnmálaflokkur | Nýi Aserbaísjanflokkurinn |
| Maki | Mehriban Aliyeva (g. 1983) |
| Börn | 3 |
| Foreldrar | Heydar Aliyev og Zarifa Aliyeva |
| Háskóli | Alþjóðastofnun Moskvuháskóla |
| Undirskrift |  |
Ilham Aliyev (fullt nafn á asersku İlham Heydər oğlu Əliyev) (f. Baku, 24. desember 1961) er forseti Aserbaísjan.
Aliyev tók við stöðu forseta 31. október 2003, og þá af föður sínum, Heydar Aliyev, sem hafði verið forseti í 10 ár þar á undan.
Hefur hann fjórum sinnum í röð unnið forsetakosningar, 2003, 2008, 2013 og 2018, en í öllum þessum og fleiri kosningum hefur Aliyev verið vændur um kosningamisferli til að halda völdum.[1][2][3][4]
Að sögn margra sem fylgjast með alþjóðamálum, hefur forsetatíð hans einkennst af stöðugleika í stjórnmálalífi landsins sem afleiðing af yfirvaldsstefnu og að stjórnmálaréttindi andstæðinga hafa verið skert og því ekki valdið eins miklum truflunum.[heimild vantar]
Í valdatíð Aliyev árið 2020 vann Aserbaísjan sigur í stríði gegn Armeníu um umdeilda héraðið Nagornó-Karabak. Armenar neyddust þar til að undirrita samning um vopnahlé með milligöngu Rússa þar sem Armenar urðu að láta af hendi talsvert af landi til Asera.[5] Eftir stutt stríð árið 2023 sigruðu Aserar síðan armenska Artsak-lýðveldið í Nagornó-Karabak og komu því aftur undir stjórn Aserbaísjans, með þeim afleiðingum að fjöldi armenskumælandi íbúa þess hraktist á flótta. Aliyev lýsti því yfir þann 15. október 2023 að hann hefði uppfyllt draum Asera til áratuga með því að endurheimta stjórn í Nagornó-Karabak.[6]
Tilvísanir[breyta | breyta frumkóða]
- ↑ „Neita ásökunum um svik“. mbl.is. 14. október 2003. Sótt 4. október 2020.
- ↑ Ásgeir Tómasson (14. apríl 2018). „Kosningar í Aserbaísjan ámælisverðar“. RÚV. Sótt 4. október 2020.
- ↑ „Boða mótmæli í Azerbajdzhan“. mbl.is. 8. nóvember 2005. Sótt 4. október 2020.
- ↑ Kristján Róbert Kristjánsson (2. október 2020). „Ásakanir um kosningasvik í Aserbaísjan“. RÚV. Sótt 4. október 2020.
- ↑ Kristján Róbert Kristjánsson (25. febrúar 2021). „Allt á suðupunkti í Armeníu“. RÚV. Sótt 16. september 2022.
- ↑ „Uppfyllti „drauminn" um að hrekja Armena á brott“. mbl.is. 15. október 2023. Sótt 15. október.
| Fyrirrennari: Artur Rasizade |
|
Eftirmaður: Artur Rasizade | |||
| Fyrirrennari: Heydar Aliyev |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.