Handknattleiksárið 1966-67

Handknattleiksárið 1966-67 var keppnistímabilið í íslenskum handknattleik sem hófst haustið 1966 og lauk sumarið 1967. Framarar urðu Íslandsmeistarar í karlaflokki og Valskonur í kvennaflokki. Karlalandsliðið tók ekki þátt í stórmóti á tímabilinu.

Karlaflokkur

1. deild

Framarar urðu Íslandsmeistarar í meistaraflokki karla eftir aukaúrslitaleik gegn FH. Keppt var í sex liða deild með tvöfaldri umferð.

Félag	Stig
Fram	15
FH	15
Haukar	12
Valur	10
Víkingur	8
Ármann	0

Ármann féll í 2. deild.

'Úrslitaleikur

• Fram - FH 16:12

2. deild

KR-ingar sigruðu í 2. deild og tryggðu sér sæti í 1. deild í stað Ármanns. Leikin var tvöföld umferð í fimm liða deild.

Félag	Stig
KR	14
ÍBK	8
ÍR	7
Þróttur R.	7
ÍBA	2

Evrópukeppni

FH keppti í Evrópukeppni meistaraliða. FH-ingar hófu keppni í 16-liða úrslitum en töpuðu fyrir ungverska liðinu Honved Búdapest.

16-liða úrslit

• Honved Búdapest - FH 20:13
• FH - Honved Búdapest 19:14

Landslið

Karlalandsliðið hélt í keppnisför til Bandaríkjanna og lék tvo leiki gegn heimamönnum sem voru ekki hátt skrifaðir í íþróttinni. Hermann Gunnarsson skoraði 17 mörk í öðrum leiknum sem talið var heimsmet í landsleik og var um langt árabil Íslandsmet.

Svíar komu til Reykjavíkur í apríl 1967 og léku tvo vináttuleiki. Þeim fyrri lauk með jafntefli, 21:21, eftir að Íslendingar skoruðu fimm síðustu mörkin. Seinni leikinn unnu Svíar með einu marki.

Kvennaflokkur

1. deild

Valsarar urðu Íslandsmeistarar í meistaraflokki kvenna. Keppt var í sex liða deild með einfaldri umferð.

Félag	Stig
Valur	9
FH	7
Fram	5
Víkingur	5
Ármann	4
KR	0

KR féll í 2. deild.

2. deild

Breiðablik sigraði í 2. deild og tryggði sér sæti í 1. deild. Keppt var í fjögurra liða deild með einfaldri umferð.

Félag	Stig
Breiðablik	6
ÍBK	4
Grindavík	2
ÍA	0

Landslið

Karlalandsliðið lék nokkra vináttulandsleiki á tímabilinu. Þar bar hæst leiki gegn Svíum, sem léku í fyrsta sinn hér á landi. Ísland gerði jafntefli í fyrri leiknum en tapaði þeim síðari með einu marki.