Half-Life 2
Half-Life 2
| |
|---|---|
 Einkennismerki leiksins | |
| Framleiðsla | Valve Corporation |
| Útgáfustarfsemi | Valve Corporation |
| Leikjaröð | Half-Life |
| Útgáfudagur | 16. nóvember 2004 |
| Tegund | Fyrstu persónu skotleikur |
| Sköpun | |
| List | Viktor Antonov |
| Handrit | Marc Laidlaw |
| Tónlist | Kelly Bailey |
| Tæknileg gögn | |
| Leikjavél | Source-leikjavélin |
| https://www.half-life.com/en/halflife2 | |
Half-Life 2 er fyrstu persónu skotleikur sem var hannaður og gefinn út af Valve Corporation árið 2004. Hann var fyrst gefinn út af Valve fyrir Windows-stýrikerfið í gegnum leikjaveituna Steam. Eins og í fyrri leiknum, Half-Life, sameinar Half-Life 2 skotbardaga, þrautir og sögu og bætir við eiginleikum svo sem ökutækjum og hreyfingu hluta. Leikmaðurinn tekur að sér hlutverk Gordon Freeman sem tekur þátt í andspyrnuhreyfingu með það að markmiði að frelsa jörðina frá stjórn geimveraveldisins Combine.
Half-Life 2 var hannaður með Source-leikjavél Valve, sem var þróuð á sama tíma. Þróunin stóð yfir í fimm ár og kostaði 40 milljónir Bandaríkjadala. Forstjóri Valve, Gabe Newell, setti lið sitt það markmið að brjóta blað í FPS-leikjategundinni. Það samþætti Havok-eðlisfræðivélina, sem líkist raunverulegum eðlisfræðilegum ferlum, til að styrkja upplifunina um viðveru leikmannsins og skapa nýjan leikmáta. Einnig þróaði liðið leikinn með nákvæmari persónulíkönum og raunhæfum mannlegum hreyfingum.
Valve kunngerði Half-Life 2 á E3 árið 2003, með útgáfudag í september. Leikurinn var frestaður um meira en ár, sem var mikið gagnrýnt. Ári áður en útgáfan var gefin út var ókláruð útgáfa af leiknum stolin af tölvuþrjóti og henni var lekið á netið, sem skaðaði siðferði liðsins og hægði á þróun.
Half-Life 2 var gefinn út á Steam þann 16. nóvember 2004. Hann hlaut 39 verðlaun fyrir leik ársins og hefur verið nefndur sem einn besti leikur sem hefur verið gerður. Leikurinn kom einnig út á Xbox, Xbox 360, PlayStation 3, macOS og Linux. Árið 2011 hafði hann selst í 12 milljónum eintaka. Með leiknum fylgdi ókeypis aukaleikur, Lost Coast (2005), og framhaldið Episode One (2006) og framhaldið Episode Two (2007). Árið 2020, eftir að hafa aflýst Episode Three og nokkrum öðrum verkefnum sem tengdust Half-Life, gaf Valve loks út Half-Life: Alyx.