Guðmundur Árnason
Guðmundur Árnason, fæddur 20. september 1963 á Eskifirði, er stjórnmálafræðingur að mennt og skipaður sendiherra i utanríkisþjónustu Íslands frá ársbyrjun 2024. Hann var áður ráðuneytisstjóri í Fjármála- og efnahagsráðuneytinu, í mennta- og menningarmálaráðuneytinu og skrifstofustjóri í forsætisráðuneytinu.
Fjölskylda
[breyta | breyta frumkóða]Foreldrar hans eru Árni Halldórsson, fv. skipstjóri og útgerðarmaður (f. 1933, d. 2020), og Ragnhildur Kristjánsdóttir, fv. fjármálastjóri (f. 1934, d. 2018). Eiginkona Guðmundar er Sólveig Berg Emilsdóttir, arkitekt (f. 1966), en börn þeirra eru Birna (f. 1992), lögfræðingur, sambýlismaður Kristján Guðjónsson (f. 1987), og Kristján (f. 1999), læknanemi. Sonur Birnu og Kristjáns er Skarphéðinn (f. 2023).
Systkini Guðmundar eru Kristín Aðalbjörg Árnadóttir fv. aðstoðarmaður ráðherra og borgarstjóra og fv. sendiherra, Halldór Árnason fv. framkvæmdastjóri, Björn Árnason framkvæmdastjóri, og Sigrún Árnadóttir framkvæmdastjóri og fv. bæjarstjóri.
Menntun
[breyta | breyta frumkóða]Stúdentspróf frá Menntaskólanum við Hamrahlíð 1984, bakkalárpróf í stjórnmálafræði frá Stirling-háskóla í Skotlandi 1989 og meistarapróf í alþjóðastjórnmálum frá háskólanum í Sussex í Englandi 1990. Lokaritgerð hans fjallaði um Norðurlöndin og pólitískan samruna í Evrópu.
Starfsferill
[breyta | breyta frumkóða]Hefur lengst af starfað við opinbera stjórnsýslu:
- sérverkefni fyrir forsætis- og fjármálaráðuneyti 1991;
- skipaður deildarstjóri í forsætisráðuneyti í ársbyrjun 1992 og skrifstofustjóri og staðgengill ráðuneytisstjóra í sama ráðuneyti frá ársbyrjun 1996;
- ráðgjafi (e. Senior Advisor) við Norræna þróunarsjóðinn í Helsinki (NDF)1998-2000, þar sem hann sinnti einkanlega málefnum Afríku og skuldaafléttingu þróunarríkja gagnvart marghliða lánastofnunum sem leidd var af Alþjóðabankanum (World Bank);
- hóf á ný störf sem skrifstofustjóri í forsætisráðuneyti árið 2000;
- settur ráðuneytistjóri í menntamálaráðuneyti í september 2002 og skipaður ráðuneytisstjóri í því ráðuneyti í mars 2003; leiddi þar m.a. vinnu við frv. til laga um framhaldsskóla (lög nr. 92/2008), um opinbera háskóla (lög nr. 85/2008) og rammalög um háskóla (lög nr. 65/2006);
- ráðinn til verkefna í forsætisráðuneyti frá janúar 2009 til loka apríl sama ár til að skipuleggja og undirbúa viðbrögð við hruni fjármálakerfisins 2008;
- settur ráðuneytisstjóri í fjármálaráðuneytinu í júni 2009 og skipaður ráðuneytisstjóri í fjármála- og efnahagsráðuneytinu frá ársbyrjun 2010; var þar m.a. í forsvari í samstarfi stjórnvalda við Alþjóðagjaldeyrissjóðinn (IMF) og leiddi vinnu við gerð frv. til laga um opinber fjárlög (lög nr. 123/15);
- sem ráðuneytisstjóri varamaður í stjórnum og eigendanefndum Norræna fjárfestingabankans (NIB - Nordic Investment Bank), Alþjóðagjaldeyrissjóðsins (IMF - International Monetary Fund) og Endurreisnarbanka Evrópu (EBRD - European Bank of Reconstruction and Development);
- formaður stjórnar Söfnunarsjóðs lífeyrisréttinda (SL-lífeyrissjóðs - e. The General Pension Fund)) frá 2010 til 2020;
- sat sem óháður stjórnarmaður í Þjóðarsjóði Oman-ríkis (Oman Investment Authority) frá desember 2020 til apríl 2024, skipaður af soldán Oman-ríkis;
- skipaður sendiherra í utanríkisþjónustu Íslands frá ársbyrjun 2024 og fastafulltrúi Íslands gagnvart stofnunum Sameinuðu þjóðanna í Róm; Matvæla- og landbúnaðarstofnuninni (FAO), Alþjóðamatvælaáætluninni (WFP - World Food Programme) og Alþjóðaþróunarsjóði landbúnaðarins (IFAD - International Fund for Agricultural Development) frá miðju ári 2024. Ì stjórn FAO frá 2024-2026;
- formaður Hollvinasamtaka gamla barnaskólans á Eskifirði frá 2019.