Enska fyrsta deildin
| Enska fyrsta deildin |
|---|
|
| Stofnuð |
| 2004 |
| Ríki |
 England
|
| Upp í |
| Enska meistaradeildin |
| Fall í |
| League Two |
| Fjöldi liða |
| 24 |
| Stig á píramída |
| Stig 3 |
| Bikarar |
| Enski bikarinn Enski deildabikarinn |
| Núverandi meistarar (2019-2020) |
| Coventry City |
| Heimasíða |
| Opinber |
- Enska fyrsta deildin getur einnig átt við: Gömlu ensku fyrstu deildina 1888-1992
Enska fyrsta deildin (League One) er þriðja efsta deildin í knattspyrnudeildarkerfinu í Englandi. Þátttökuliðin eru 24 talsins, þau tvö efstu og sigurvegarar í umspilskeppni færast upp í ensku meistaradeildina en botnliðin fjögur falla niður í aðra deild. Coventry City vann deildina leiktíðina 2019-20.
Saga og nafngift[breyta | breyta frumkóða]
Þriðja deildin var stofnsett fyrir leiktíðina 1920-21 með 22 liðum. Þegar árið eftir var henni skipt upp í tvennt: norður- og suðurhluta. Efsta liðið í hvorum hluta færðist upp um deild, en neðstu tvö liðin sitthvoru megin máttu sæta því að greidd voru atkvæði um áframhaldandi veru þeirra í deildarkeppninni. Í langflestum tilvikum héldu liðin þó sætum sínum.
Fyrir leiktíðina 1958-59 var deildarkerfið tekið til endurskoðunar, norður- og suðurhlutarnir voru sameinaðir í eina þriðju deild á ný og fjórða deildin stofnuð þar fyrir neðan. Tvö efstu liðin komust nú upp í aðra deild en þau fjögur neðstu féllu. Þessi tilhögun gerði það að verkum að afar erfitt var að komast upp um deild, þar sem sterkustu lið áttu til að stinga af. Til að auka spennuna og gefa fleiri liðum möguleika, var umspilsfyrirkomulag tekið upp árið 1987. Upp frá því hafa liðin næst á eftir toppsætunum tveimur barist um síðasta lausa sætið í deildinni fyrir ofan.
Með stofnun úrvalsdeildarinnar árið 1992 var nöfnum deildanna þar fyrir neðan breytt: önnur deild varð fyrsta deild og svo koll af kolli. Árið 2004 var nafni fyrstu deildarinnar (áður annarrar deildar) breytt í „ensku meistaradeildina“. Þar með breyttist nafn deildanna þar fyrir neðan á ný. Þessar sífelldu nafnbreytingar í ensku deildarkeppninni valda oft misskilningi og freistast ýmsir því til að tala um B-deild, C-deild og D-deild í stað hinna formlegu heita.
Þátttökulið tímabilið 2020-2021[breyta | breyta frumkóða]
| Félag | Heimavöllur | Fjöldi |
|---|---|---|
| Accrington Stanley | Crown Ground | 5.057 |
| AFC Wimbledon | Kingsmeadow | 4.850 |
| Blackpool F.C. | Bloomfield Road | 17.338 |
| Bristol Rovers | Memorial Stadium | 12.300 |
| Burton Albion | Pirelli Stadium | 6.912 |
| Charlton Athletic | The Valley | 27.111 |
| Crewe Alexandria | Gresty Road | 10.180 |
| Doncaster Rovers | Keepmoat Stadium | 15.231 |
| Fleetwood Town | Highbury Stadium | 5.311 |
| Gillingham F.C. | Priestfield Stadium | 11.582 |
| Hull City | KCOM Stadium | 25.586 |
| Ipswich Town | Portman Road | 30.311 |
| Lincoln City | Sincil Bank | 10.120 |
| Milton Keynes Dons | Stadium MK | 30.500 |
| Northampton Town | Sixfields Stadium | 7.798 |
| Oxford United | Kassam Stadium | 12.500 |
| Peterborough United | ABAX Stadium | 14.084 |
| Plymouth Argyle | Home Park | 18.600 |
| Portsmouth F.C. | Fratton Park | 21.100 |
| Rochdale A.F.C. | Spotland Stadium | 10.500 |
| Shrewsbury Town | New Meadow | 9.875 |
| Swindon Town | County Ground | 15.728 |
| Sunderland A.F.C. | Stadium of Light (Ljósvangur) | 48.707 |
| Wigan Athletic | DW Stadium | 25.133 |