Enska fyrsta deildin
| Stofnuð | 2004 1992–2004 (sem 2. deild) 1958–1992 (sem 3. deild) 1921–1958 (sem 3. deild Norður/Suður) 1920–1921 (sem 3. deild) |
|---|---|
| Land | England |
| Fjöldi liða | 24 |
| Stig á píramída | 3 |
| Upp í | Championship |
| Fall í | 2. deild |
| Staðbundnir bikarar | FA Cup |
| Deildarbikarar | EFL Cup EFL Trophy |
| Alþjóðlegir bikarar | UEFA Europa League (með sigri í FA Cup) UEFA Europa Conference League (með sigri í EFL Cup) |
| Núverandi meistarar | Wigan Athletic (2021–22) |
| Sigursælasta lið | Wigan Athletic (3 titlar) |
| Vefsíða | efl |
| Núverandi: 2021–22 EFL League One | |
Enska fyrsta deildin (League One) er þriðja efsta deildin í knattspyrnudeildarkerfinu í Englandi. Þátttökuliðin eru 24 talsins, þau tvö efstu og sigurvegarar í umspilskeppni færast upp í ensku meistaradeildina en botnliðin fjögur falla niður í aðra deild.
Saga og nafngift
[breyta | breyta frumkóða]Þriðja deildin var stofnsett fyrir leiktíðina 1920-21 með 22 liðum. Þegar árið eftir var henni skipt upp í tvennt: norður- og suðurhluta. Efsta liðið í hvorum hluta færðist upp um deild, en neðstu tvö liðin sitthvoru megin máttu sæta því að greidd voru atkvæði um áframhaldandi veru þeirra í deildarkeppninni. Í langflestum tilvikum héldu liðin þó sætum sínum.
Fyrir leiktíðina 1958-59 var deildarkerfið tekið til endurskoðunar, norður- og suðurhlutarnir voru sameinaðir í eina þriðju deild á ný og fjórða deildin stofnuð þar fyrir neðan. Tvö efstu liðin komust nú upp í aðra deild en þau fjögur neðstu féllu. Þessi tilhögun gerði það að verkum að afar erfitt var að komast upp um deild, þar sem sterkustu lið áttu til að stinga af. Til að auka spennuna og gefa fleiri liðum möguleika, var umspilsfyrirkomulag tekið upp árið 1987. Upp frá því hafa liðin næst á eftir toppsætunum tveimur barist um síðasta lausa sætið í deildinni fyrir ofan.
Með stofnun úrvalsdeildarinnar árið 1992 var nöfnum deildanna þar fyrir neðan breytt: önnur deild varð fyrsta deild og svo koll af kolli. Árið 2004 var nafni fyrstu deildarinnar (áður annarrar deildar) breytt í „ensku meistaradeildina“. Þar með breyttist nafn deildanna þar fyrir neðan á ný. Þessar sífelldu nafnbreytingar í ensku deildarkeppninni valda oft misskilningi og freistast ýmsir því til að tala um B-deild, C-deild og D-deild í stað hinna formlegu heita.
Þátttökulið tímabilið 2023-2024
[breyta | breyta frumkóða]| Félag | Heimavöllur | Fjöldi |
|---|---|---|
| Barnsley | Oakwell | 23.300 |
| Blackpool | Bloomfield Road | 17.300 |
| Bristol Rovers | Memorial Stadium | 12.300 |
| Burton Albion | Pirelli Stadium | 6.912 |
| Cambridge United | Abbey Stadium | 8.100 |
| Carlisle United | Brunton Park | 18.000 |
| Charlton Athletic | The Valley | 27.111 |
| Cheltenham Town | Whaddon Road | 7.000 |
| Derby County | Pride Park Stadium | 33.600 |
| Exeter City | St. James' Park | 8.700 |
| Fleetwood Town | Highbury Stadium | 5.311 |
| Leyton Orient | Brisbane Road | 9.300 |
| Lincoln City | Sincil Bank | 10.120 |
| Northampton Town | Sixfields Stadium | 7.798 |
| Oxford United | Kassam Stadium | 12.500 |
| Peterborough United | London Road | 15.000 |
| Portsmouth F.C. | Fratton Park | 21.100 |
| Port Vale | Burslem Vale Park | 15.500 |
| Reading FC | Madejski Stadium | 24.000 |
| Shrewsbury Town | New Meadow | 9.875 |
| Stevenage | Broadhall Way | 7.800 |
| Wigan Athletic | DW Stadium | 25.133 |
| Wycombe Wanderers | Adams Park | 9.448 |