Denys Sjmyhal
| Denys Sjmyhal | |
|---|---|
| Денис Шмигаль | |
_(cropped).jpg) Sjmyhal árið 2025. | |
| Varnarmálaráðherra Úkraínu | |
Núverandi | |
| Tók við embætti 17. júlí 2025 | |
| Forseti | Volodymyr Zelenskyj |
| Forveri | Rústem Úmerov |
| Forsætisráðherra Úkraínu | |
| Í embætti 4. mars 2020 – 17. júlí 2025 | |
| Forseti | Volodymyr Zelenskyj |
| Forveri | Oleksíj Hontsjarúk |
| Eftirmaður | Júlía Svyrydenko |
| Persónulegar upplýsingar | |
| Fæddur | 15. október 1975 Lvív, úkraínska sovétlýðveldinu, Sovétríkjunum (nú Úkraínu) |
| Þjóðerni | Úkraínskur |
| Stjórnmálaflokkur | Óflokksbundinn |
| Maki | Kateryna Sjmyhal |
| Börn | 2 |
| Háskóli | Tækniháskólinn í Lvív |
Denys Anatolíjovytsj Sjmyhal (úkraínska: Денис Анатолійович Шмигаль; f. 15. október 1975)[1] er úkraínskur stjórnmálamaður og athafnamaður sem var forsætisráðherra Úkraínu frá árinu 2020 til ársins 2025.[2] Hann var áður sveitarstjóri í Ívano-Frankívskfylki.[3] Sem forsætisráðherra hafði Sjmyhal umsjón með viðbrögðum úkraínsku stjórnarinnar við kórónuveirufaraldrinum í landinu og við innrás Rússa frá árinu 2022.[4]
Æviágrip
[breyta | breyta frumkóða]Denys Sjmyhal útskrifaðist frá Tækniháskólanum í Lvív árið 1997. Hann er með kandidatsgráðu í hagfræðivísindum frá árinu 2003.[5] Frá útskrift sinni árið 1997 fram til ársins 2005 vann Sjmyhal sem endurskoðandi fyrir ýmis fyrirtæki.[6] Frá september 2005 til júní 2006 var Sjmyhal aðstoðarframkvæmdastjóri fyrirtækisins LA DIS.[6] Hann var framkvæmdastjóri fjárfestingafyrirtækisins Comfort-Invest frá júní 2006 til ágúst 2008.[6] Sjmyhal var síðan framkvæmdastjóri fyrirtækis undir nafninu ROSANINVEST LLC frá september 2008 til september 2009.[6]
Sjmyhal gegndi ýmsum pólitískum störfum í Lvívfylki frá árinu 2009 til ársins 2013.[6] Hann var formaður hagfræðideildar héraðsstjórnar Lvív-héraðs frá 2009 til 2011.[1][6] Þar kynntist hann og vann með Oleh Nemtsjínov, sem varð árið 2020 ráðherra ráðherraráðsins í ríkisstjórn Sjmyhals.[7] Sjmyhal varð síðan formaður efnahags- og iðnaðarstefnu héraðsins allt árið 2012.[6] Árið 2013 var hann formaður efnahagsþróunar-, fjárfestinga-, verslunar- og iðnaðardeildar Lvív-héraðs.[6]
Fyrstu fjóra mánuði ársins 2014 var Sjmyhal ráðgjafi þingmanns á úkraínska þinginu.[6]
.jpg)
Frá maí til desember 2014 var Sjmyhal varaformaður héraðsstofu tekju- og tollaráðuneytisins í Lvív-héraði.[6][2] Hann var síðan varaforseti frystivörudreifingaraðilans TVK Lvivkholod í Lvív frá 2015 til 2017.[2]
Frá 2018 til 2019 vann Sjmyhal sem framkvæmdastjóri Burshtyn TES, sem er stærsta raforkufyrirtækið í Ívano-Frankívsk og tilheyrir fyrirtækjasamsteypu Rínats Akhmetov.[8][9][10]
Frá 1. ágúst 2019 þar til hann var útnefndur ráðherra starfaði Sjmyhal sem sveitarstjóri Ívano-Frankívskfylkis.[3]
Þann 4. febrúar árið 2020 var Sjmyhal útnefndur ráðherra héraðsþróunarmála.[11] Hann tók síðan við af Oleksíj Hontsjarúk sem forsætisráðherra Úkraínu í mars árið 2020.[12]
Zelenskyj tilkynnti uppstokkun í ríkisstjórninni í júlí 2025. Samkvæmt henni varð Júlía Svyrydenko nýr forsætisráðherra en Sjmyhal varð varnarmálaráðherra.[13]
Einkahagir
[breyta | breyta frumkóða]Sjmyhal er kvæntur Katerynu Sjmyhal. Þau eiga tvær dætur.[6] Kateryna er fyrrum meðeigandi Kamjanetskyj-bakarísins í Lvív og reiðhjólaleigunnar NextBike. Hún seldi hluta sína í þessum fyrirtækjum árið 2019.[6]
Tilvísanir
[breyta | breyta frumkóða]- 1 2 „Голова обласної державної адміністрації“. www.if.gov.ua (úkraínska). Afrit af upprunalegu geymt þann 30. október 2019. Sótt 24. júlí 2022.
- 1 2 3 „Шмигаль Денис Анатолійович“. dovidka.com.ua (úkraínska). Sótt 24. júlí 2022.
- 1 2 „УКАЗ ПРЕЗИДЕНТА УКРАЇНИ №574/2019“. Heimasíða úkraínska forsetaembættisins (úkraínska). Sótt 17. janúar 2020.
- ↑ „Denys Schmygal zum neuen Premierminister ernannt“. www.ukrinform.de (þýska). Sótt 5. mars 2020.
- ↑ „Шмигаль Денис Анатолійович“. slovoidilo.ua (úkraínska). Sótt 17. janúar 2020.
- 1 2 3 4 5 6 7 8 9 10 11 12 Stutt æviágrip Denys Shmyhal, LIGA
- ↑ „Шмигаль і "його" команда. Як працює другий уряд Зеленського“. Ukrayinska Pravda (úkraínska). Sótt 25. maí 2020.
- ↑ „Хто такий Денис Шмигаль, який може замінити Гончарука“. BBC. 3. mars 2020. Sótt 21. mars 2020.
- ↑ „Zelensky decided on the heads of Lviv and Ivano-Frankivsk Regional State Administration“. opinionua.com. 6. júlí 2019. Afrit af upprunalegu geymt þann 8. júlí 2019. Sótt 17. janúar 2020.
- ↑ Боднар, Наталя (Bodnar, Natalia) (5. mars 2020). „Денис Шмигаль очолив Кабінет міністрів: що про нього відомо“. 24 Kanal (úkraínska). Sótt 21. mars 2020.
- ↑ Ukraine's parliament appoints Shmyhal as Deputy Prime Minister, Minister of Community Development, UNIAN (4. febrúar 2020)
- ↑ „Zelensky shakes up Ukraine government and proposes new prime minister“. Financial Times. Sótt 4. mars 2020.(áskriftar þörf)
- ↑ Denysiaka, Olha (17 júlí 2025). „Рада призначила Свириденко прем'єр-міністеркою [Rada útnefndi Svyrydenko forsætisráðherra]“. hromadske (úkraínska). Sótt 17 júlí 2025.
| Fyrirrennari: Oleksíj Hontsjarúk |
|
Eftirmaður: Júlía Svyrydenko | |||