Dalir (Svíþjóð)
Dalir (sænska: Dalarna), gjarnan kallaðir sænsku Dalirnir, eru sögulegt hérað (kallað landskap á sænsku) í Mið-Svíþjóð, í norðurhluta Svíaríkis. Dalirnir liggja að héröðunum Herjadal, Helsingjalandi, Gästriklandi, Vesturmannalandi og Vermalandi. Héraðið á líka landamæri við Noreg til vesturs. Héraðið svarar að mestu leyti til samnefndrar sýslu.
Dalirnir eru vinsæll ferðamannastaður meðal Svía. Þar eiga margir sumarhús en þeir fara þangað og njóta góðra veiðivatna, fallegra tjaldsvæða og stórra skóga. Mikil virðing er borin fyrir hefðbundnum matvælum sem eru framleiddir í héraðinu.
Í vesturhluta Dalanna, eins og í Älvdalen og Lima, tala sumir elfdælsku. Hún er sér tungumál, en áður taldist hún mállýska sænsku.
