Boutros Boutros-Ghali

Boutros Boutros-Ghali
Ⲡⲉⲧⲣⲟⲥ Ⲡⲉⲧⲣⲟⲥ-Ⲅⲁⲗⲓ بطرس بطرس غالي
Boutros-Ghali árið 1993.
Aðalframkvæmdastjóri Sameinuðu þjóðanna
Í embætti 1. janúar 1992 – 31. desember 1996
Forveri	Javier Pérez de Cuéllar
Eftirmaður	Kofi Annan
Persónulegar upplýsingar
Fæddur	14. nóvember 1922 Kaíró, Egyptalandi
Látinn	16. febrúar 2016 (93 ára) Kaíró, Egyptalandi
Þjóðerni	Egypskur
Maki	Leia Maria Boutros-Ghali
Trúarbrögð	Koptíska rétttrúnaðarkirkjan
Háskóli	Háskólinn í Kaíró Parísarháskóli Sciences Po
Undirskrift

Boutros Boutros-Ghali (بطرس بطرس غالي á arabísku) (14. nóvember 1922 – 16. febrúar 2016) var egypskur stjórnmálamaður og erindreki sem var aðalframkvæmdastjóri Sameinuðu þjóðanna frá janúar 1992 til desember 1996. Boutros-Ghali var menntamaður og fyrrverandi varautanríkisráðherra Egyptalands. Á meðan hann gegndi embætti aðalframkvæmdastjóra þurftu Sameinuðu þjóðirnar að bregðast við ýmsum hamförum, þar á meðal upplausn Júgóslavíu og þjóðarmorðinu í Rúanda. Boutros-Ghali er eini aðalframkvæmdastjóri Sameinuðu þjóðanna sem sat aðeins eitt kjörtímabil í embætti þar sem Bandaríkin beittu neitunarvaldi sínu gegn útnefningu hans í annað sinn. Eftir að hann lét af embættinu gerðist hann aðalritari Samtaka frönskumælandi ríkja frá 16. nóvember 1997 til 31. desember 2002.

Tilvísanir

Fyrirrennari: Javier Pérez de Cuéllar

Aðalframkvæmdastjóri Sameinuðu þjóðanna (1. janúar 1992 – 31. desember 1996)

Eftirmaður: Kofi Annan