Andrés prins, hertogi af Jórvík

Úr Wikipediu, frjálsa alfræðiritinu
Jump to navigation Jump to search
Andrés prins, hertogi af Jórvík
Andrés prins, hertogi af Jórvík
Andrés árið 2007.
Skjaldarmerki Andrésar
Fæddur Andrew Albert Christian Edward Mountbatten-Windsor
19. febrúar 1960 (1960-02-19) (61 árs)
Buckinghamhöll, London, Bretlandi
Þjóðerni Breskur
Starf/staða Aðalsmaður
Trú Enska biskupakirkjan
Maki Sarah Ferguson (g. 1986; sk. 1996)
Börn 2
Foreldrar Elísabet 2. & Filippus prins

Andrés prins, hertogi af Jórvík, (Andrés Albert Kristján Játvarður; f. 19. febrúar 1960) er þriðja barn og annar sonur Elísabetar 2. Bretadrottningar og Filippusar hertoga af Edinborg. Hann er sá áttundi í erfðaröðinni að bresku krúnunni.

Andrés hefur gegnt þjónustu í konunglega breska sjóhernum sem þyrluflugmaður, leiðbeinandi og kapteinn á herskipi. Í Falklandseyjastríðinu flaug hann í nokkrum hernaðaraðgerðum, meðal annars í andyfirborðshernaði, sem tálbeita fyrir Exocet-eldflaugar og við brottflutning á særðum hermönnum. Árið 1986 kvæntist Andrés Söruh Ferguson og hlaut titilinn hertogi af Jórvík. Þau eignuðust tvær dætur, Beatrice og Eugenie. Hjónaband þeirra, aðskilnaður þeirra 1992 og lögskilnaður þeirra 1996 hlaut mikla umfjöllun í breskum fjölmiðlum. Andrés var sérstakur sendifulltrúi forsætisráðherra Bretlands fyrir alþjóðaviðskipti og fjárfestingar frá árinu 2001 til 2011.

Þann 20. nóvember 2019 gerði Andrés prins hlé á öllum opinberum skyldum sínum um „fyrirsjáanlega framtíð“ eftir mjög neikvæð almenningsviðbrögð við viðtali sem hann veitti fjórum dögum fyrr í þættinum Newsnight á BBC. Viðtalið snerist um ásakanir á hendur honum um kynferðislegt ofbeldi og tengsl hans við bandaríska kynferðisbrotamanninn Jeffrey Epstein.[1][2][3] Í maí 2020 var tilkynnt að Andrés myndi láta af öllum opinberum hlutverkum sínum vegna tengsla sinna við Epstein.[4] Einnig var kunngert að Andrés væri viðriðinn glæparannsókn um málefni Epsteins og að bandarísk stjórnvöld hefðu óskað þess við Breta að fá að yfirheyra hann formlega.

Í ágúst 2021 var Andrés kærður fyrir nauðgun. Bandarísk kona að nafni Virginia Giuffre sakaði hann um að hafa nauðgað sér þegar hún var sautján ára á heimili hennar í London ásamt Epstein og vinkonu hans, Ghislaine Maxwell.[5] Málið var höfðað sem einkamál í New York í Bandaríkjunum.[6]

Tilvísanir[breyta | breyta frumkóða]

  1. Quinn, Ben 20. nóvember 2019, „Prince Andrew to step back from public duties 'for foreseeable future'". The Guardian. (London, England: Guardian Media Group). Skoðað 20. nóvember 2019.
  2. Guðmundur Björn Þorbjörnsson (23. nóvember 2019). „Andrés prins, Epstein og viðtalið hörmulega“. RÚV. Sótt 6. apríl 2021.
  3. Ari Brynjólfsson (7. desember 2019). „Andrés prins sendur í út­legð“. Fréttablaðið. Sótt 6. apríl 2021.
  4. Nikkhah, Roya 21. maí 2020, „Prince Andrew didn't think it was all over, but it is now". The Times. Skoðað 20. júlí 2020.
  5. Vésteinn Örn Pétursson (9. ágúst 2021). „Andrés prins kærður fyrir nauðgun“. Vísir. Sótt 22. ágúst 2021.
  6. Jón Agnar Ólason (10. ágúst 2021). „Höfðar einkamál gegn prinsinum vegna kynferðisbrota“. RÚV. Sótt 22. ágúst 2021.
Puzzle stub.svg  Þessi grein er stubbur. Þú getur hjálpað til með því að bæta við greinina.