Jórvíkurhertogi
Jórvíkurhertogi eða hertoginn af York er aðalstitill (hertogatitill) í aðalsmannatali Bretlands. Fyrst var titillinn búinn til fyrir Játmund af Langley, yngri son Játvarðar 3., árið 1385. Frá 15. öld hefur titillinn venjulega verið veittur næstelsta syni Englandskonungs. Sambærilegur titill í aðalsmannatali Skotlands er hertoginn af Alba. Frá 1461, þegar afkomandi fyrsta hertogans varð Játvarður 4. konungur, hefur enginn þeirra tíu sem borið hafa titilinn nokkru sinni náð að arfleiða karlkyns erfingja að honum; Þeir hafa ýmist látist án erfingja eða orðið konungar.
Síðasti maðurinn sem bar titil Jórvíkurhertoga var Andrew Mountbatten-Windsor, næstelsti sonur Elísabetar 2. Bretlandsdrottningar. Hann afsalaði sér öllum titlum, þar á meðal hertogatigninni, árið 2025, vegna ásakana um kynferðislegt ofbeldi.[1]
Tilvísanir
[breyta | breyta frumkóða]- ↑ Eiður Þór Árnason (17. október 2025). „Andrés prins afsalar sér öllum titlum í kjölfar ásakana“. Vísir. Sótt 18. október 2025.
