Alte Pinakothek (München)

Úr Wikipediu, frjálsa alfræðiritinu
Stökkva á: flakk, leita
Alte Pinakothek

Alte Pinakothek er aðalmálverkasafn borgarinnar München. Þar má finna gömul verk eftir þekkta listamenn frá Þýskalandi, Ítalíu, Niðurlöndum, Frakklandi og Spáni.

Saga safnsins[breyta]

Upphaf safnsins má rekja til gamalla mynda í eigu kjörfurstans Vilhjálms IV á 16. öld. Seinni kjörfurstar bættu við ýmsum málverkum. Málverkin voru sett upp í hinum og þessum kastölum og voru ekki aðgengileg fyrir almúgann. Í 30 ára stríðinu tóku Svíar 21 málverk og fluttu til Svíþjóðar. Aðeins fimm þeirra var skilað aftur í tímans rás. Áfram héldu kjörfurstarnir að safna og keyptu þeir einnig fjölmörg málverk af erlendum málurum. Enn var stolið mikið af myndum þegar Napoleon var í München, en hann var einnig mikill listaverkasafnari. Aðeins 27 málverkum var skilað þegar Napoleon féll. Þegar Lúðvik I varð konungur Bæjaralands, ákvað hann að búa til safnaðstöðu þar sem hægt væri að bjóða fólki upp á að skoða útvalin málverk. Safnhúsið Alte Pinakothek var því reist 1826 að hans fyrirskipan og var það vígt 1836. Fullgert var safnið stærsta safnhús heims. Jafnframt hélt Lúðvík áfram að kaupa málverk, sérstaklega eftir þýska og ítalska meistara. Eftirmenn hans söfnuðu hins vegar litlu sem engu. Með fráfalli Lúðvíks var söfnuninni miklu lokið. Á stríðstímum 20. aldar voru myndirnar teknar niður og geymdar á öruggari staði. Safnið opnaði ekki fyrr en vel eftir heimstyrjöldina síðari (1957). Þá tókst að safna fé til enn frekari málverkakaupa fyrir tilstilli banka og stórfyrirtækja.

Málverk[breyta]

Safnið á í dag fleiri þúsund málverk, en aðeins um 700 eru til sýnis í 19 stórum sölum og 47 hliðarsölum. Að neðan eru aðeins helstu málarar taldir upp.

Rubens og Isabella. Mynd eftir Peter Paul Rubens.
Madonnumynd eftir Leonardo da Vinci
Isabella Clara Eugenia. Mynd eftir De La Cruz

Þýskir málarar frá 14.-17. öld[breyta]

Niðurlenskir málarar frá 14.-16. öld)[breyta]

Hollenskir málarar frá 17. öld[breyta]

  • Rembrandt van Rijn (t.d. Hin heilaga fjölskylda frá 1633, Jesús tekinn af krossinum frá 1633)
  • Frans Hals (t.d. Willem van Heythuysen frá 1625)
  • Ferdinand Bol (t.d. Fyrirmenn í vínfélagi Amsterdam frá 1659)

Belgískir málarar frá 16. og 17. öld[breyta]

Ítalskir málarar frá 13.-18. öld[breyta]

Franskir málarar frá 17. og 18. öld[breyta]

Spænskir málarar frá 16. og 17. öld[breyta]

Heimildir[breyta]

Wikimedia Commons er með margmiðlunarefni sem tengist