Þjóðaratkvæðagreiðsla um Icesave 2011

Þjóðaratkvæðagreiðsla um framtíðargildi laga nr. 13/2011

9. apríl 2011 (2011-04-09)
Lög nr. 13/2011 kveða á um heimild til handa fjármálaráðherra til að staðfesta samninga, sem áritaðir voru í London 8. desember 2010, um ábyrgð á endurgreiðslu Tryggingarsjóðs innstæðueigenda og fjárfesta til breska og hollenska ríkisins á kostnaði af greiðslu lágmarkstryggingar til innstæðueigenda í útibúum Landsbanka Íslands hf. í Bretlandi og Hollandi og greiðslu eftirstöðva og vaxta af þeim skuldbindingum. Lögin voru samþykkt á Alþingi hinn 16. febrúar 2011 en forseti Íslands synjaði þeim staðfestingar. Eiga lög nr. 13/2011 að halda gildi?
Úrslit
Valkostur Atkvæði % Já 69.462 40,23% Nei 103.207 59,77% Gild atkvæði 172.669 98,60% Ógild eða auð atkvæði 2.445 1,40% Greidd atkvæði 175.114 100.00% Kjósendur á kjörskrá/kjörsókn 232.460 75.33%
Niðurstöður eftir kjördæmum

Þjóðaratkvæðagreiðsla um framtíðargildi laga nr. 13/2011 var haldin laugardaginn 9. apríl 2011. Lögin voru almennt kölluð Icesave 3 og fjölluðu um heimild fjármálaráðherra til að staðfesta samninga, sem áritaðir voru í London 8. desember 2010, um ábyrgð á endurgreiðslu Tryggingasjóðs innistæðueigenda og fjárfesta til breska og hollenska ríkisins á kostnaði af greiðslu lámarkstryggingar til innistæðueigenda í útibúum Landsbanka Íslands hf í Bretlandi og Hollandi og greiðslu eftirstöðva og vaxta af þeim skuldbindingum.

Kosið var um endurgreiðslusamning. Samningurinn er í breskum pundum og evrum. Samningurinn er til ársins 2024 en er framlengjanlegur til ársins 2042. Framlengingin virkar þannig að ef heildargreiðslur fara yfir 40 milljarða, hækkar lánstíminn um eitt ár við hverja 10 milljarða aukalega. Vextir af láninu frá október 2009 til 2016 eru 3,3% til Bretlands og 3% til Hollands. Eftir þann tíma er miðað við CIRR vexti, sem eru reiknaðir mánaðarlega. Núverandi CIRR vextir eru 2,27% til Bretlands og 2,32% til Hollands. Í samningnum er jafnframt að finna 5% þak, miðað við tekjur ríkisins, gjaldfellingarákvæði, vanefndarúrræði, fjárhæðaviðmið og greiðslufresti. Komi upp ágreiningur um samninginn fer ágreiningurinn fyrir Alþjóðagerðardómstólinn í Haag.

Niðurstöður

Kjördæmi	já	%	nei	%	auð	ógild	samtals	kjörsókn (%)
Reykjavík norður	14.998	46,7	17.152	53,3	415	48	32.613	73,2
Reykjavík suður	15.114	45,7	17.942	54,3	395	64	33.492	75,4
Suðvesturkjördæmi	19.338	41,6	27.110	58,4	467	205	47.120	77,8
Norðvesturkjördæmi	5.539	35,1	10.221	64,9	209	25	15.994	75,1
Norðausturkjördæmi	7.812	37,8	12.871	62,2	284	24	20.991	73,2
Suðurkjördæmi	6.661	27,1	17.911	72,9	269	40	24.881	75,6
Samtals	69.462	40,2	103.207	59,8	2039	406	175.114	75,3

Heimild: Hagstofa Íslands

Tengt efni

• Þjóðaratkvæðagreiðsla um framtíðargildi laga nr. 1/2010

Tilvísanir

• Samningarnir felldir með tæpum 60%