Álfaborg

Úr Wikipediu, frjálsa alfræðiritinu
Jump to navigation Jump to search
Álfaborg.

Álfaborg er klettaborg á Borgarfirði eystra, rétt innan við þorpið Bakkagerði, fyrir miðjum botni víkurinnar. Fjörðurinn er kenndur við borgina, sem var friðlýst sem fólkvangur árið 1976.[1]

Mikil huldufólkstrú er tengd Álfaborg og er sagt að þar búi álfadrottning Íslands. Álfabyggðir eru sagðar vera víða við Borgarfjörð og nágrenni og var kirkja álfanna að sögn í Kirkjusteini á Kækjudal, inn af Borgarfirði.

Göngustígur liggur upp á Álfaborg og þar er hringsjá sem sýnir allan fjallahringinn umhverfis Borgarfjörð. Við borgina er tjaldstæði.

Tilvísanir[breyta | breyta frumkóða]

  1. Álfaborg í Borgarfirði eystri. Á vef Umhverfisstofnunar, skoðað 5. nóvember 2010.

Heimildir[breyta | breyta frumkóða]

  • Gróður í Borgarfirði og Njarðvík eystra. Náttúrufræðingurinn, 1.-2. tbl. 1941“.
  • Sýslað við grjót í Borgarfirði eystra. Sunnudagsblað Tímans, 21. febrúar 1965“.
  Þessi landafræðigrein er stubbur. Þú getur hjálpað til með því að bæta við greinina.