Kjördæmasætum er úthlutað samkvæmt hæstu útkomutölum skv. D'Hondt-reglu. J1 til J9 eru jöfnunarsæti í þeirri röð sem þeim er úthlutað á framboð og kjördæmi.
33 karlar náðu kjöri en 30 konur. Hlutfall kvenna á þingi var því jafn hátt og eftir kosningarnar 2016 en hefur aldrei verið hærra en í þessum tvennum kosningum.
Yngsti kjörni þingmaðurinn var Lilja Rannveig Sigurgeirsdóttir en hún var 25 ára og 10 daga gömul á kjördag. Elsti kjörni þingmaðurinn var Tómas Andrés Tómasson en hann var 72 ára og 173 daga gamall á kjördag. Tómas var jafnframt elsti nýliðinn í sögu þingsins. Meðalaldur kjörinna þingmanna var 49,1 ár.
Starfsaldursforseti nýkjörins þings var Þorgerður Katrín Gunnarsdóttir sem hafði áður setið á 24 löggjafarþingum. Þorgerður og Þórunn Sveinbjarnardóttir voru einu þingmennirnir sem tóku fyrst sæti á Alþingi á 20. öldinni og þannig einnig einu þingmennirnir sem voru fyrst kjörnir voru á þing áður en núverandi kjördæmaskipan var tekin upp.
23 þingmenn voru nýliðar á móti 40 sem áður höfðu gegnt þingmennsku.
1.^M→D - 9. október 2021: Birgir Þórarinsson gekk úr Miðflokki yfir í Sjálfstæðisflokkinn áður en þing kom fyrst saman eftir kosningar, þingflokkaskipti svo skömmu eftir kosningar eiga sér engin fordæmi á lýðveldistímanum.